തിരുവനന്തപുരം: കേരളത്തിന്റെ കോവിഡ് പ്രതിരോധ പ്രവർത്തനങ്ങൾക്ക് സഹായവുമായി ബോളിവുഡ് സൂപ്പർതാരം ഷാരൂഖ് ഖാൻ നേതൃത്വം നൽകുന്ന മീർ ഫൗണ്ടേഷൻ. കോവിഡ് പോരാട്ട രംഗത്തുള്ള സംസ്‌ഥാനത്തെ ആരോഗ്യ പ്രവർത്തകർക്കായി 20,000 എൻ 95 മാസ്‌കുകളാണ് ഫൗണ്ടേഷൻ നൽകിയത്. ഷാരൂഖ് ഖാനും മീർ ഫൗണ്ടേഷനും ആരോഗ്യമന്ത്രി കെകെ ശൈലജ നന്ദി അറിയിച്ചു.
സിനിമാ താരങ്ങളായ ഇന്ദ്രജിത്ത്, രാജശ്രീ ദേശ്‌പാണ്ഡെ എന്നിവരാണ് കേരളത്തിലെ കോവിഡ് പ്രതിരോധ പ്രവർത്തനങ്ങൾ ഷാരൂഖ് ഖാന് പരിചയപ്പെടുത്തിയത്. ആസിഡ് ആക്രമണത്തിൽ ഇരകളായവരെ സഹായിക്കുന്നതിന് വേണ്ടി രൂപവൽക്കരിച്ച സ്‌ഥാപനമാണ് ഷാരൂഖ് ഖാന്റെ നേതൃത്വത്തിലുള്ള മീർ ഫൗണ്ടേഷൻ. കോവിഡ് രോഗപ്രതിരോധ പ്രവർത്തനങ്ങളിലും ഫൗണ്ടേഷൻ ഇപ്പോൾ സജീവമാണ്.
Read also: സ്‌പുട്‌നിക് കോവിഡ് വാക്‌സിൻ 92 ശതമാനം ഫലപ്രദമാണെന്ന് റഷ്യ
