കോഴിക്കോട്: വീടിന്റെ പ്ളാൻ ക്രമപ്പെടുത്താനുള്ള മുസ്ലിം ലീഗ് എംഎൽഎ കെഎം ഷാജിയുടെ അപേക്ഷ കോഴിക്കോട് കോർപറേഷൻ തള്ളി. അപേക്ഷയിൽ പിഴവുണ്ടെന്ന് ചൂണ്ടിക്കാട്ടിയാണ് കോർപറേഷൻ നടപടി. പിഴവുകൾ നികത്തി വീണ്ടും അപേക്ഷ സമർപ്പിക്കണമെന്നും എംഎൽഎയോട് കോർപറേഷൻ നിർദ്ദേശിച്ചു. അനധികൃത നിര്മാണം കണ്ടെത്തിയ കോര്പ്പറേഷന് കെ.എം.ഷാജിക്ക് നേരത്തെ നോട്ടീസ് നല്കിയിരുന്നു.
Also Read: മാതൃകാപരമായ പ്രവർത്തനം: കേരള ടൂറിസത്തിന് രാജ്യാന്തര പുരസ്കാരം
വേങ്ങേരി വില്ലേജില് കെഎം.ഷാജി നിര്മിച്ച വീടിന്റെ കാര്യത്തിലാണ് കോര്പറേഷന് ചട്ടലംഘനം കണ്ടെത്തിയത്. സമര്പ്പിച്ച പ്ളാനിലുള്ളതിനേക്കാള് അളവിലാണ്. അനുമതിയില്ലാതെ 2,300 ചതുരശ്ര അടിയിൽ നിർമാണം നടത്തിയിട്ടുണ്ടെന്നാണ് കണക്കാക്കുന്നത്. ഇതിന്റെ അടിസ്ഥാനത്തിലാണ് കെഎം ഷാജി പ്ളാൻ ക്രമപ്പെടുത്തണം എന്നാവശ്യപ്പെട്ട് അപേക്ഷ നല്കിയിരുന്നത്. വീട് ക്രമപ്പെടുത്താനുള്ള അപേക്ഷ പരിഗണിക്കുമെന്ന് കോഴിക്കോട് കോർപറേഷൻ വ്യക്തമാക്കിയിരുന്നു. ഇത് ക്രമപ്പെടുത്താൻ 1.38 ലക്ഷം നികുതിയും 15,000 രൂപ പിഴയും നൽകേണ്ടി വരുമെന്ന് കോർപറേഷൻ അധികൃതർ സൂചിപ്പിക്കുകയും ചെയ്തിരുന്നു.