തിരുവനന്തപുരം: കോൺഗ്രസ് നേതാവും എംപിയുമായ ശശി തരൂരിന് കോവിഡ് സ്‌ഥിരീകരിച്ചു. അദ്ദേഹം തന്നെയാണ് ട്വിറ്ററിലൂടെ കോവിഡ് ബാധിതനായ വിവരം അറിയിച്ചത്. 85 വയസ്സുകാരിയായ അമ്മയും സഹോദരിയും രോഗബാധിതരാണെന്നും അദ്ദേഹം ട്വീറ്റിൽ അറിയിച്ചു.
Folks should know that my sister has had two doses of the Pfizer vaccine in California and my mother & I took our second Covishield shot on April 8. So we have every reason to hope that though vaccines cannot prevent infection, they will moderate the impact of the #Covid virus. https://t.co/UPFZM0ICGU
— Shashi Tharoor (@ShashiTharoor) April 21, 2021
കാലിഫോർണിയയിൽ വെച്ച് സഹോദരി ഫൈസർ വാക്‌സിന്റെ രണ്ട് ഡോസും സ്വീകരിച്ചിരുന്നു എന്നും താനും അമ്മയും ഏപ്രിൽ 8ന് കോവിഷീൽഡിന്റെ രണ്ടാം ഡോസ് എടുത്തിരുന്നുവെന്നും തരൂർ ട്വീറ്റിൽ പറയുന്നു. അതിനാൽ തന്നെ കോവിഡ് വാക്‌സിനുകൾക്ക് രോഗബാധയെ തടയാനികില്ലെന്ന് തങ്ങൾക്ക് പറയാനാകുമെന്നും തരൂർ ചൂണ്ടിക്കാട്ടി. എന്നാൽ വാക്‌സിൻ, വൈറസ് ആഘാതത്തിന്റെ തീവ്രത കുറയ്‌ക്കുമെന്നും തരൂർ ട്വീറ്റിൽ വ്യക്‌തമാക്കി.
Read Also: സ്‌ഥിതി ആശങ്കാജനകം, വാക്‌സിനേഷന് ഓൺലൈൻ ബുക്കിങ് സംവിധാനം ഒരുക്കും; മുഖ്യമന്ത്രി
