തിരുവനന്തപുരം: മുന് ആരോഗ്യമന്ത്രി കെകെ ശൈലജ രാജ്യത്തിന് മാതൃകയായ വ്യക്തിയെന്ന് സിപിഐഎം ദേശീയ ജനറല് സെക്രട്ടറി സീതാറാം യെച്ചൂരി. ഏഷ്യാനെറ്റ് ന്യൂസിനോടായിരുന്നു യെച്ചൂരിയുടെ പ്രതികരണം.
“കെകെ ശൈലജ രാജ്യത്തിനാകെ മാതൃകയാണ്. ശൈലജ മന്ത്രിയാവില്ലെന്ന് അറിഞ്ഞത് സെക്രട്ടറിയേറ്റ് തീരുമാനത്തിന് ശേഷമായിരുന്നു. മന്ത്രിമാരെ തീരുമാനിക്കുന്നതില് കേന്ദ്രകമ്മിറ്റി ഇടപെടാറില്ല”-സീതാറാം യെച്ചൂരി പറഞ്ഞു.
പാർട്ടിയിൽ വണ്മാന് ഷോ ആണെന്ന പ്രചാരണവും അദ്ദേഹം എതിർത്തു. സിപിഐഎമ്മിൽ ആരുടെയും അധീശത്വം ഇല്ലെന്നും ജ്യോതിബസുവിന് പോലും പാർട്ടിയിൽ ആധിപത്യം ഉണ്ടായിരുന്നില്ലെന്നും അദ്ദേഹം വ്യക്തമാക്കി.
കഴിഞ്ഞ സര്ക്കാരില് ഏറ്റവും ജനപ്രീതി നേടിയ മന്ത്രിമാരിൽ ഒരാളായിരുന്നു കെകെ ശൈലജ. എന്നാൽ രണ്ടാം പിണറായി മന്ത്രിസഭയില് ശൈലജയെ ഉൾപ്പെടുത്തിയിരുന്നില്ല. പുതിയ തലമുറയ്ക്ക് മുൻഗണന നൽകുക എന്ന തീരുമാനത്തിന്റെ ഭാഗമായാണ് നടപടിയെന്ന് നേതൃത്വം വിശദീകരിച്ചിരുന്നു.
Read also: കമ്പനികളുടെ പേരും വിലയും ഇല്ലാത്ത പൾസ് ഓക്സീമീറ്ററുകൾ വാങ്ങരുത്; നിർദ്ദേശവുമായി മുഖ്യമന്ത്രി