തിരുവനന്തപുരം: ഇഡിക്കെതിരായ ജുഡീഷ്യല്‍ അന്വേഷണത്തെ ന്യായീകരിച്ച് സിപിഐഎം ജനറല്‍ സെക്രട്ടറി സീതാറാം യെച്ചൂരി. ജുഡീഷ്യല്‍ അന്വേഷണം ഫെഡറല്‍ തത്വങ്ങള്‍ക്ക് വിരുദ്ധമല്ല. അന്വേഷണത്തെ എതിര്‍ത്ത കേന്ദ്രമന്ത്രി രാജ്‌നാഥ് സിംഗ് ഭരണഘടന വായിക്കണമെന്നും യെച്ചൂരി ആവശ്യപ്പെട്ടു.
രാജ്യസഭാ തിരഞ്ഞെടുപ്പ് മാറ്റിയ തിരഞ്ഞെടുപ്പു കമ്മീഷന്‍ നടപടി സംശയാസ്‌പദമാണ്. കമ്മീഷന്റെ നടപടി ഭരണഘടനാ വിരുദ്ധമാണെന്നും അദ്ദേഹം പറഞ്ഞു. ശബരിമല വിഷയത്തിലെ ദേവസ്വം മന്ത്രി കടകംപള്ളി സുരേന്ദ്രന്റെ ഖേദപ്രകടനം ഏത് സാഹചര്യത്തിലാണെന്ന് മുഖ്യമന്ത്രിയും സിപിഐഎം സംസ്‌ഥാന സമിതിയും പരിശോധിക്കും.
ശബരിമല തിരഞ്ഞെടുപ്പ് വിഷയമല്ല. സുപ്രീം കോടതിയില്‍ ഒന്‍പത് അംഗ ബെഞ്ച് വിധി പറഞ്ഞിട്ടില്ലാത്ത സാഹചര്യത്തില്‍ ചര്‍ച്ചകള്‍ക്ക് പ്രസക്‌തിയില്ലെന്നും അദ്ദേഹം പറഞ്ഞു.
Also Read: വൃന്ദാവന്‍ കുംഭമേള; പോലീസിന് നേരെ ആര്‍എസ്എസ് ആക്രമണം
