റിയാദ്: മുൻ ദിവസങ്ങളെ അപേക്ഷിച്ച് സൗദി അറേബ്യയിൽ കോവിഡ് ബാധിതരുടെ എണ്ണത്തിൽ നേരിയ വർധനവ്. 435 പേർക്കാണ് വ്യാഴാഴ്ച പുതുതായി കോവിഡ് സ്ഥിരീകരിച്ചത്.
15 പേർ 24 മണിക്കൂറിനിടെ കോവിഡ് ബാധിച്ച് മരിച്ചു. 455 പേർ കോവിഡ് മുക്തി നേടി. ആകെ 346,482 പേർക്കാണ് കോവിഡ് സ്ഥിരീകരിച്ചത്. ഇതിൽ 333,005 പേർ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 96.1 ശതമാനമാണ്. 5,363 പേരാണ് ആകെ സൗദിയിൽ കോവിഡ് ബാധിച്ച് മരിച്ചത്. മരണനിരക്ക് 1.5 ശതമാനമാണ്. നിലവിൽ 8,114 പേരാണ് സൗദിയിൽ ചികിൽസയിൽ കഴിയുന്നത്. അതിൽ 776 പേരുടെ നില ഗുരുതരമാണ്.
24 മണിക്കൂറിനിടെ ഏറ്റവും കൂടുതൽ പുതിയ കോവിഡ് കേസുകൾ റിപ്പോർട്ട് ചെയ്തത് മദീനയിലാണ്. 47 കേസുകളാണ് ഇവിടെ റിപ്പോർട്ട് ചെയ്തത്. മക്ക 46, റിയാദ് 46, യാംബു 33, ഖമീസ് മുശൈത്ത് 26, ഹുഫൂഫ് 19, അബഹ 13, ദമ്മാം 11, അറാർ 11, ജിദ്ദ 10, ജീസാൻ 9, മുബറസ് 8, ബുറൈദ 8 എന്നിങ്ങനെയാണ് വിവിധ നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
Read also: ഫ്രാന്സിലെ പള്ളിയില് ആക്രമണം; മൂന്ന് മരണം