ഭുവനേശ്വർ: അന്താരാഷ്ട്ര വിപണിയിൽ ഒരു കോടിയിലധികം തുക വിലമതിക്കുന്ന പാമ്പിൻ വിഷവുമായി ഒരു സ്ത്രീ ഉൾപ്പടെ 6 പേരടങ്ങുന്ന സംഘം ഒഡീഷയിൽ പിടിയിൽ. ഭുവനേശ്വർ വനംവകുപ്പ് ശനിയാഴ്ച കസ്റ്റഡിയിൽ എടുത്ത ഇവരുടെ പക്കൽ നിന്ന് ഒരു ലിറ്റർ വിഷം പിടികൂടി.
അന്താരാഷ്ട്ര വിപണിയിൽ ഒരു കോടിയിലധികം വിലവരുന്ന വിഷം പത്ത് ലക്ഷം രൂപക്കാണ് കൈമാറ്റം ചെയ്യാൻ ഇവർ കരാർ ചെയ്തിരുന്നതെന്ന് ജില്ലാ വനം വകുപ്പ് ഉദ്യോഗസ്ഥനായ അശോക് മിശ്ര പറഞ്ഞു. ഏകദേശം 200 മൂർഖൻ പാമ്പുകളിൽ നിന്നാണ് ഒരു ലിറ്റർ വിഷം ശേഖരിക്കുന്നതെന്നും മിശ്ര കൂട്ടിച്ചേർത്തു. പിടിയിലായവർക്ക് എതിരെ വന്യജീവി സംരക്ഷണ നിയമത്തിന്റെ വിവിധ വകുപ്പുകൾ അനുസരിച്ച് കേസെടുത്തതായും അദ്ദേഹം അറിയിച്ചു.
Read also: ജനതാ കർഫ്യുവും, പാത്രം കൊട്ടലും; വരും തലമുറ ഓർമിക്കുമെന്ന് പ്രധാനമന്ത്രി