കൊച്ചി: ദീപാവലിയുമായി ബന്ധപ്പെട്ട തിരക്കുകൾ പ്രമാണിച്ച് ഉത്തർപ്രദേശിലെ ഗോരഖ്പൂരിൽ നിന്നും കേരളത്തിലേക്ക് സ്പെഷ്യൽ ട്രെയിൻ സർവീസ് നടത്തും. കൊച്ചിയിലേക്കാണ് സർവീസ് നടത്താൻ തീരുമാനിച്ചിരിക്കുന്നത്. 05303 ഗൊരഖ്പുർ–എറണാകുളം സ്പെഷ്യൽ ട്രെയിൻ ഒക്ടോബർ 30, നവംബർ 6, 13 എന്നീ ശനിയാഴ്ചകളിലാണ് സർവീസ് നടത്തുക.
രാവിലെ 8.30ന് ഗോരഖ്പൂരിൽ നിന്നും പുറപ്പെടുന്ന ട്രെയിൻ തിങ്കളാഴ്ച ഉച്ചക്ക് 12 മണിയോടെ കൊച്ചിയിൽ എത്തിച്ചേരും. നവംബർ 1, 8, 15 എന്നീ തീയതികളിലാണ് മടക്ക ട്രെയിൻ ഉണ്ടാകുക. തിങ്കളാഴ്ചകളിൽ രാത്രി 11.55ന് പുറപ്പെടുന്ന സർവീസുകൾ വ്യാഴാഴ്ചകളിൽ രാവിലെ 8.40ന് ഗോരഖ്പൂരിൽ എത്തിച്ചേരും.
ആലുവ, തൃശൂർ, പാലക്കാട്, കോയമ്പത്തൂർ, ഈറോഡ്, തിരുപ്പൂർ, സേലം, ജോലാർപേട്ട, കാട്പാടി, പെരമ്പൂർ (ചെന്നൈ), ഗുഡൂർ, നെല്ലൂർ, ഓങ്കോൾ, വിജയവാഡ, ഖമ്മം, വറങ്കൽ, ബല്ലാർഷ, നാഗ്പുർ, ഇറ്റരാസി, ഭോപ്പാൽ, ഝാൻസി, കാൻപുർ, ഗോണ്ട, ബസ്തി എന്നിവയാണ് പ്രധാന സ്റ്റോപ്പുകൾ.
Read also: അലനും താഹയ്ക്കും എതിരായ യുഎപിഎ നിലനിൽക്കില്ല; സുപ്രീം കോടതി