പാലക്കാട്: അനർട്ട് മുഖേന നടപ്പാക്കുന്ന സൗരോർജവൽക്കരണ പദ്ധതികളായ സൗരതേജസ് (മേൽക്കൂര സൗരോർജ വൽക്കരണം), പിഎം-കെയുഎസ്യുഎം പദ്ധതി (കാർഷിക ആവശ്യങ്ങൾക്കുള്ള പാമ്പുകളുടെ സൗരോർജ വൽക്കരണം) എന്നിവയുടെ സ്പോട്ട് രജിസ്ട്രേഷൻ വ്യാഴാഴ്ച നടക്കും.
പാലക്കാട് ടൗൺ റെയിൽവേ സ്റ്റേഷൻ എതിർവശത്തെ തെരടപ്പുഴ ബിൽഡിങ്ങിലെ അനർട്ട് ജില്ലാ ഓഫിസിലെത്തി രജിസ്റ്റർ ചെയ്യാം. ജില്ലയിലെ പാരമ്പര്യേതര ഊർജ സ്രോതസുകൾ മുഖേനയുള്ള വൈദ്യുതി ഉൽപാദനം വർധിപ്പിക്കാനും, അത്തരം പദ്ധതികൾക്ക് കൂടുതൽ ഊന്നൽ നൽകാനുമാണ് അനർട്ട് ഇതിലൂടെ ലക്ഷ്യമിടുന്നത്.
സൗരതേജസ് പദ്ധതിക്ക് 1,225 രൂപയും പിഎം-കെയുഎസ്യുഎം പദ്ധതിക്ക് 521 രൂപയും ഓൺലൈൻ രജിസ്ട്രേഷൻ ഫീസ് ഉണ്ടായിരിക്കും. താൽപര്യമുള്ളവർ രാവിലെ 10 മുതൽ വൈകിട്ട് നാലുവരെ ആധാർ കാർഡ്, കെഎസ്ഇബി കൺസ്യൂമർ ബിൽ എന്നിവ സഹിതം നേരിട്ടെത്തി രജിസ്റ്റർ ചെയ്യാം. ഫോൺ-0491 2504182.
Read Also: നിയമസഭാ തിരഞ്ഞെടുപ്പ് ലക്ഷ്യമിട്ട് യുപിയിലേക്ക് ഫണ്ടൊഴുക്കി കേന്ദ്രം