കോഴിക്കോട്: കുട്ടികളിലെ കോവിഡ് വ്യാപനം തടയാന് അഴിയൂര് ഗ്രാമപഞ്ചായത്തില് സ്ക്വാഡ് പ്രവര്ത്തനം ഊര്ജിതമാക്കി. പഞ്ചായത്തിലെ വിവിധ പ്രദേശങ്ങളില് കുട്ടികള് കൂട്ടം ചേര്ന്ന് കളിക്കുന്ന സ്ഥലങ്ങള് മാപ്പ് ചെയ്തു പരിശോധന തുടങ്ങി. പഞ്ചായത്ത്, പോലീസ്, റവന്യൂ പ്രതിനിധികള് അടങ്ങുന്ന സ്ക്വാഡ് സംയുക്ത പരിശോധനയാണ് നടത്തുന്നത്.
പരിശോധനയില് എമര്ജന്സി റെസ്പോണ്സ് ടീം അംഗങ്ങളുമുണ്ട്. ആസ്യ റോഡ്, ദോബികുളം, മനയില് അമ്പലം പരിസരം, തിരുത്തിപ്പുറം ചങ്ങരോത്ത് മുക്ക്, പനാട സ്കൂള് പരിസരം, എരിക്കില് ബീച്ച്, ബിച്ചൂമ്മ പള്ളി പരിസരം, മാഹി റെയില്വേ സ്റ്റേഷന് പിറകുവശം, സുനാമി കോളനി തുടങ്ങി കുട്ടികള് കളിക്കാനെത്തിയിരുന്ന പ്രധാന സ്ഥലങ്ങള് പരിശോധിക്കും. പഞ്ചായത്ത് ഭാഗികമായി കണ്ടെയിന്മെന്റ് സോണ് ആയതിനാല് കുട്ടികള് കൂട്ടംചേര്ന്ന് കളിക്കുന്നതിന് നിരോധനമുണ്ട്. പഞ്ചായത്ത് സെക്രട്ടറി ടി.ഷാഹുല് ഹമീദിന്റെ നേതൃത്വത്തിലാണ് സ്ക്വാഡ് പ്രവര്ത്തിക്കുന്നത്.
Malabar News: ജില്ലാ ആശുപത്രി കോവിഡ് ആശുപത്രി ആക്കുന്നു; മുസ്ലിം ലീഗ് ധർണ നടത്തി