കോഴിക്കോട്: കോടഞ്ചേരിയിലെ ഡിവൈഎഫ്ഐ നേതാവിന്റെ മിശ്രവിവാഹ വിഷയത്തിൽ മുൻ എംഎൽഎ ജോർജ് എം തോമസ് നടത്തിയ പ്രസ്താവനയിലൂടെ പാർട്ടിയുടെ വർഗീയമുഖം വെളിച്ചത്തായതായി മുസ്ലിം ലീഗ് തിരുവമ്പാടി നിയോജകമണ്ഡലം കമ്മിറ്റി. തിരുവമ്പാടിയിലെ സമീപകാല തിരഞ്ഞെടുപ്പുകളിൽ സിപിഎം നടപ്പാക്കി വിജയിപ്പിച്ച വർഗീയ വിഭാഗീയതയുടെ ഉള്ളറകൾ പ്രകടമാക്കുന്നതാണ് പ്രസ്താവന എന്നും കേവലം നാക്കുപിഴയായി ഇതിനെ കാണാനാവില്ലെന്നും യോഗം അഭിപ്രായപ്പെട്ടു.
മുസ്ലിം ലീഗ് സംസ്ഥാന സെക്രട്ടറി സിപി ചെറിയ മുഹമ്മദ് യോഗം ഉൽഘാടനം ചെയ്തു. നിയോജകമണ്ഡലം പ്രസിഡണ്ട് സികെ കാസിം അധ്യക്ഷനായി. ജില്ലാ വൈസ് പ്രസിഡണ്ട് കെഎ ഖാദർ, ജില്ലാ സെക്രട്ടറി വികെ ഹുസൈൻ കുട്ടി, നിയോജകമണ്ഡലം ജനറൽ സെക്രട്ടറി കെവി അബ്ദുറഹ്മാൻ, യൂനുസ് പുത്തലത്ത്, വിഎ നസീർ, മജീദ് പുതുക്കുടി എന്നിവർ സംസാരിച്ചു.
Most Read: കെഎസ്ഇബിയിലെ തര്ക്കം; തിങ്കളാഴ്ച സമരക്കാരുമായി മന്ത്രി ചര്ച്ച നടത്തും