കാസർഗോഡ്: ജില്ലയിലെ വിവിധ ഭാഗങ്ങളിൽ തെരുവ് നായ ശല്യം രൂക്ഷമാകുന്നു. ബന്തടുക്ക, കരിവേടകം, പടുപ്പ് എന്നിവിടങ്ങളിലാണ് നിലവിൽ തെരുവ് നായകൾ ആളുകൾക്ക് വലിയ പ്രതിസന്ധി സൃഷ്‌ടിക്കുന്നത്‌. കൂടാതെ മഴക്കാലം തുടങ്ങിയത് മുതൽ ടൗണുകളിൽ നായകൾ അലഞ്ഞ് തിരിഞ്ഞു നടക്കുകയാണെന്ന് പ്രദേശവാസികൾ വ്യക്‌തമാക്കുന്നുണ്ട്.
തെരുവ് നായകളുടെ ശല്യം രൂക്ഷമായത് ഇരുചക്ര വാഹന യാത്രക്കാർക്കും ഭീതി പരത്തുകയാണ്. ഇരുചക്ര വാഹനങ്ങളിൽ യാത്ര ചെയ്യുമ്പോൾ വാഹനത്തിന് നേരെ ഇവ കുരച്ചെത്തുന്നത് അപകഭീഷണി സൃഷ്‌ടിക്കുന്നുണ്ട്. കൂടാതെ അതിരാവിലെ ടൗണുകളിൽ എത്തുന്ന ആളുകൾക്കും, പത്ര വിതരണക്കാർക്കും തെരുവ് നായ ശല്യം വലിയ ബുദ്ധിമുട്ട് ഉണ്ടാക്കുന്നുണ്ട്.
രാത്രികളിൽ ടൗണുകളിലെ കടകളുടെ മുന്നിലാണ് ഇവ തമ്പടിക്കുന്നത്. അതിനാൽ തന്നെ തെരുവ് നായകൾ കടവരാന്തകൾ വൃത്തികേടാക്കുന്നതായി വ്യാപാരികളും വ്യാപക പരാതി ഉയർത്തുന്നുണ്ട്.
Read also: മേഘാലയ മുഖ്യമന്ത്രിയുടെ വീടിനുനേരെ ആക്രമണം; ഷില്ലോങ്ങിൽ കർഫ്യൂ
