മലപ്പുറം: സഹപാഠിയുടെ പിതാവിന്റെ ചികിൽസാ ചിലവിലേക്ക് പണം സ്വരൂപിച്ച് മാതൃകയായി കടുങ്ങപുരം ഗവൺമെന്റ് ഹയർ സെക്കണ്ടറി സ്‌കൂളിലെ വിദ്യാർഥി കൂട്ടായ്‌മ. ഇരു വൃക്കകളും തകരാറിലായതിനെ തുടർന്ന് ഡയാലിസിസ് നടത്തിവരുന്ന ഹംസ സലീം ചിരുതപറമ്പലിന് വേണ്ടിയാണ് വിദ്യാർഥികളും അധ്യാപകരും കൈകോർത്തത്.
സ്‌കൂളിലെ സ്‌കൗട് ആൻഡ്‌ ഗൈഡ്, ജൂനിയർ റെഡ് ക്രോസ്, ഹരിതസേന, ലിറ്റിൽ കൈറ്റ്സ് യൂണിറ്റംഗങ്ങളും അധ്യാപകരും ചേർന്ന് 85,000 രൂപയാണ് സമാഹരിച്ചത്. ചുരുങ്ങിയ ദിവസങ്ങൾ കൊണ്ട് സമാഹരിച്ച തുക വിദ്യാലയ അധികൃതരും യൂണിറ്റംഗങ്ങളും ചേർന്ന് കുടുംബത്തിന് കൈമാറി.
എസ്എംസി ചെയർമാൻ ജമാൽ പരവക്കൽ, പ്രഥമാധ്യാപകൻ നന്ദകുമാർ എം, യു ഷൗക്കത്തലി, വി സജാത് സാഹിർ, കെപിഎസ് പൂക്കോയ തങ്ങൾ, പി നഷീദ, എസ് സുരേഷ് കുമാർ, പിഎം സുജാത, പിഎം സക്കീർ പി ഹുസൈൻ, പി ജിതേഷ്, എം അമൃത ദാസൻ, ടി കാസിം അദ്‌നാൻ, പി ഹിഷാം, സി ജുമാന ജിബിൻ എന്നിവരാണ് തുക കൈമാറിയത്.
Most Read: ബാലികയുടെ പീഡനം; സാക്ഷികളെ നേപ്പാളിൽ നിന്ന് കോടതിയിൽ ഹാജരാക്കാൻ ഉത്തരവ്
