തിരുവനന്തപുരം: ജില്ലയിലെ ആര്യനാട് പോലീസ് സ്റ്റേഷനിൽ പരാതിയുമായി എത്തിയ ആൾ സ്റ്റേഷന് മുന്നിൽ പെട്രോൾ ഒഴിച്ച് ആത്മഹത്യക്ക് ശ്രമിച്ചു. പാലോട് പച്ച തെങ്ങുംകോണം പുത്തൻ വീട്ടിൽ ഷൈജു(47) ആണ് ആത്മഹത്യക്ക് ശ്രമിച്ചത്. തുടർന്ന് പോലീസുകാർ ഇയാളെ തിരുവനന്തപുരം മെഡിക്കൽ കോളേജിൽ പ്രവേശിപ്പിക്കുകയും ചെയ്തു.
ഭാര്യയെ കാണാനില്ലെന്ന പരാതിയുമായാണ് ഷൈജു പോലീസ് സ്റ്റേഷനിൽ എത്തിയത്. പരാതി നൽകിയ ശേഷം ഇയാൾ പുറത്തു പോകുകയും പിന്നീട് പെട്രോളുമായി എത്തി ശരീരത്തിൽ ഒഴിച്ചു തീ കൊളുത്തുകയുമായിരുന്നു എന്നാണ് പോലീസ് വ്യക്തമാക്കുന്നത്. പൊള്ളലേറ്റ ഷൈജുവിനെ ഉടൻ തന്നെ പോലീസുകാർ മെഡിക്കൽ കോളേജിലേക്ക് മാറ്റിയിരുന്നു. നിലവിൽ ഇയാളുടെ ആരോഗ്യനില തൃപ്തികരമാണെന്നാണ് ആശുപത്രി അധികൃതർ വ്യക്തമാക്കുന്നത്.
Read also: എയ്ഡഡ് സ്കൂൾ നിയമനം പിഎസ്സിക്ക് വിടാൻ ആലോചിക്കുന്നില്ല; കോടിയേരി