മലപ്പുറം: എസ്വൈഎസ് മലപ്പുറം സോണ് കമ്മിറ്റിക്ക് കീഴില് ‘ജലമാണ് ജീവൻ’ എന്ന പ്രമേയത്തിൽ നടക്കുന്ന ജലസംരക്ഷണ ക്യാംപയിനിന്റെ ഭാഗമായി കടലുണ്ടിപ്പുഴ ശുചീകരണം നടത്തുമെന്ന് ഭാരവാഹികൾ അറിയിച്ചു.
നാളെ, ഞായർ രാവിലെ 7ന് മലപ്പുറം ഹാജിയാര്പള്ളിയില് നടക്കുന്ന പരിപാടി കേരള മുസ്ലിം ജമാഅത്ത് ജില്ലാ ജനറല് സെക്രട്ടറി പിഎം മുസ്തഫ കോഡൂര് ഉൽഘാടനം ചെയ്യും. സോണ് പ്രസിഡണ്ട് ദുല്ഫുഖാര് അലി സഖാഫി അധ്യക്ഷത വഹിക്കും. മലപ്പുറം ഹെല്ത്ത് ഇൻസ്പെക്ടർ മൂസക്കുട്ടി മുഖ്യാതിഥിയാകും.
എസ്വൈഎസ് ജില്ലാ ഫിനാന്സ് സെക്രട്ടറി കരുവള്ളി അബ്ദുറഹീം, സെക്രട്ടറി പിപി മുജീബ് റഹ്മാൻ, സിദ്ധീഖ് മുസ്ലിയാര് മക്കരപ്പറമ്പ്, ബദ്റുദ്ധീന് കോഡൂര്, എംടി ശിഹാബുദ്ധീന് ചെറുകുളമ്പ് എന്നിവര് പരിപാടിയിൽ സംബന്ധിക്കും. മുന്നൂറോളം ‘എസ്വൈഎസ് സാന്ത്വനം സന്നദ്ധ സേവകര്‘ ശുചീകരണത്തിന് നേതൃത്വം നല്കുമെന്നും സംഘാടകർ അറിയിച്ചു.
Most Read: ‘മുഖ്യമന്ത്രിയുടെ പേര് പറയാൻ ഇഡി നിർബന്ധിച്ചു’; മൊഴി നൽകി സന്ദീപ് നായർ