ഗൂഡല്ലൂർ: സർക്കാർ ഉടമസ്ഥതയിലുള്ള തേയിലത്തോട്ടം സംരക്ഷിക്കണമെന്ന് ആവശ്യപ്പെട്ട് സിപിഐ (എം) സമരത്തിനൊരുങ്ങുന്നു. നീലഗിരിയിലെ സർക്കാർ ഉടമസ്ഥതയിലുള്ള തേയിലത്തോട്ടം സംരക്ഷിക്കുക, അതിലെ ആറായിരത്തിൽ പരം തൊഴിലാളികളെ സഹായിക്കുക എന്നീ ആവശ്യങ്ങൾ ഉന്നയിച്ചാണ് സമരം. തൊഴിലാളികളില്ലെന്ന കാരണത്താൽ ചേരമ്പാടി, ചേരാൻകോട്, പാണ്ടിയാർ ഡിവിഷനുകളിൽ നിന്നും വനംവകുപ്പിന് കൈമാറിയ 278 ഹെക്ടർ തേയിലത്തോട്ടം തിരിച്ച് പിടിച്ച് കൃഷി ആരംഭിക്കുക, തൊഴിലാളികളുടെ കാലപ്പഴക്കം ചെന്ന വീടുകൾ നന്നാക്കുക എന്നീ ആവശ്യങ്ങളും മുന്നോട്ട് വെച്ചിട്ടുണ്ട്
Palakkad News: വാഹന പരിശോധന തടസപ്പെടുത്തി; പഞ്ചായത്തംഗമടക്കം 15 പേർക്കെതിരെ കേസ്
സിപിഐ (എം) ജില്ലാ കമ്മിറ്റി യോഗത്തിലാണ് തീരുമാനം ഉണ്ടായത്. യോഗത്തിൽ കെ രാജൻ അധ്യക്ഷത വഹിച്ചു. ജില്ലാ സെക്രട്ടറി വിഎ ഭാസ്കരൻ, ആർ ബദ്രി, എൻ വാസു, എ യോഹന്നാൻ, കുഞ്ഞുമുഹമ്മദ് തുടങ്ങിയവർ സംസാരിച്ചു.