പാറ്റ്ന: മുഖ്യമന്ത്രിയായി സത്യപ്രതിജ്ഞ ചെയ്ത നിതീഷ് കുമാറിനെ അഭിനന്ദിച്ച് ആര്ജെഡി നേതാവ് തേജസ്വി യാദവ്. ‘നോമിനേറ്റഡ് മുഖ്യമന്ത്രി’ക്ക് അഭിനന്ദനങ്ങള് എന്നായിരുന്നു തേജസ്വിയുടെ ട്വീറ്റ്. പരിഹാസത്തില് പൊതിഞ്ഞ അഭിനന്ദന ട്വീറ്റാണിപ്പോള് ചര്ച്ചയാകുന്നത്.
‘ബഹുമാനപ്പെട്ട നിതീഷ് ജി. നോമിനേറ്റഡ് മുഖ്യമന്ത്രിയായി അധികാരമേറ്റ ഈ അവസരത്തില് എല്ലാ ആശംസകളും നേരുന്നു. മുഖ്യമന്ത്രി കസേരക്ക് അപ്പുറം, ബീഹാറിലെ ജനങ്ങളുടെ സന്തോഷവും എന്ഡിഎ വാഗ്ദാനം ചെയ്ത 19 ലക്ഷം തൊഴില് അവസരങ്ങള്ക്കും അദ്ദേഹം മുന്ഗണന നല്കുമെന്ന് പ്രതീക്ഷിക്കുന്നു’- തേജസ്വി ട്വിറ്ററിലെഴുതി.
നേരത്തെ എല്ജെപി നേതാവ് ചിരാഗ് പാസ്വാനും നിതീഷിനെ പരിഹസിച്ച് രംഗത്ത് വന്നിരുന്നു. ‘വീണ്ടും മുഖ്യമന്ത്രിയായതില് നിതീഷ്കുമാറിന് അഭിനന്ദനങ്ങള്. സര്ക്കാര് ഭരണ സമയം പൂര്ത്തിയാക്കുമെന്നും നിങ്ങള് എന്ഡിഎ മുഖ്യമന്ത്രിയായി തുടരുമെന്നും ഞാന് പ്രതീക്ഷിക്കുന്നു’, പാസ്വാന് ട്വീറ്റ് ചെയ്തു.
125 സീറ്റുകളില് വിജയിച്ചാണ് ജെഡിയു, ബിജെപി നേതൃത്വത്തിലുള്ള എന്ഡിഎ സഖ്യം ബിഹാറില് ഭരണം ഉറപ്പിച്ചത്. ആര്ജെഡിയും കോണ്ഗ്രസും ഇടതുപാര്ട്ടികളും ഉള്പ്പെടുന്ന മഹാഗദ്ബന്ധന് 110 സീറ്റുകള് നേടി. 75 സീറ്റ് നേടിയ ആര്ജെഡിയാണ് ഏറ്റവും വലിയ ഒറ്റകക്ഷി.
Read also: ഷഹീന് ബാഗ്; പുനപരിശോധനാ ഹരജിയുമായി സമരക്കാര് കോടതിയിൽ