കൊച്ചി: നിയമസഭാ തിരഞ്ഞെടുപ്പ് നടന്ന അഞ്ച് സംസ്ഥാനങ്ങളിലെ തോൽവി ഞെട്ടിക്കുന്നതാണെന്ന് കോണ്ഗ്രസ് നേതാവ് രമേശ് ചെന്നിത്തല. കോണ്ഗ്രസ് ആത്മപരിശോധന നടത്തും. ഒരു തിരഞ്ഞെടുപ്പിൽ പരാജയപ്പെട്ടാൽ ഇല്ലാതാകുന്നതല്ല കോൺഗ്രസ് പാര്ട്ടിയെന്നും ഇപ്പോഴത്തെ പ്രതിസന്ധി പരിഹരിച്ചു പാര്ട്ടി തിരിച്ച് വരുമെന്നും രമേശ് ചെന്നിത്തല പറഞ്ഞു.
വർക്കിംഗ് കമ്മിറ്റി കൂടി തുടർനടപടി സ്വീകരിക്കും. പാർട്ടിയെ ഊർജസ്വലമാക്കാനുള്ള നടപടി ഉണ്ടാകുമെന്നതിന്റെ സൂചന ലഭിച്ചു തുടങ്ങിയെന്നും ചെന്നിത്തല കൂട്ടിച്ചേര്ത്തു. അതിനിടെ, എഐസിസി ജനറൽ സെക്രട്ടറിയും മുതിർന്ന നേതാവുമായ കെസി വേണുഗോപാലിന് എതിരെ കണ്ണൂരിൽ പോസ്റ്ററുകള് പ്രത്യക്ഷപ്പെട്ടു.
ശ്രീകണ്ഠാപുരത്തെ കോൺഗ്രസ് ഓഫിസിന് മുന്നിലാണ് പോസ്റ്ററുകള് പതിപ്പിച്ചത്. സേവ് കോൺഗ്രസ് എന്ന പേരിലാണ് പോസ്റ്ററുകള്. അഞ്ച് സംസ്ഥാനങ്ങൾ വിറ്റ് തുലച്ചതിന് ആശംസകളെന്നാണ് പോസ്റ്ററിലെ വാചകം. ‘പെട്ടി തൂക്കി വേണുഗോപാൽ ഒഴിവാകൂ’ എന്നും പോസ്റ്ററില് വിമര്ശനമുണ്ട്.
Read Also: താപനില മൂന്ന് ഡിഗ്രി വരെ ഉയരും; ആറ് ജില്ലകൾക്ക് മുന്നറിയിപ്പ്