ബെംഗളൂരു: കള്ളപ്പണക്കേസില്‍ ജയിലില്‍ കഴിയുന്ന ബിനീഷ് കോടിയേരിയുടെ ജാമ്യാപേക്ഷ കര്‍ണാടക ഹൈക്കോടതി ഇന്ന് പരിഗണിക്കും. കോടതിയുടെ അവധിക്കാല ബെഞ്ചാണ് ഹരജി പരിഗണിക്കുന്നത്.
കഴിഞ്ഞ ആഴ്‌ചയാണ് ബിനീഷ് ഹരജി സമര്‍പ്പിച്ചത്. പിതാവ് കോടിയേരി ബാലകൃഷ്‌ണൻ അസുഖ ബാധിതനാണെന്നും അദ്ദേഹത്തെ പരിചരിക്കാന്‍ നാട്ടിലേക്ക് മടങ്ങണമെന്നുമാണ് ഹരജിയിലെ ആവശ്യം.
നേരത്തെ ബിനീഷിന് ഇടക്കാല ജാമ്യം അനുവദിക്കുന്നതിനെ കുറിച്ച് കോടതി ആരാഞ്ഞിരുന്നു. ഇതില്‍ ഇഡിയുടെ വാദവും കോടതി ഇന്ന് കേള്‍ക്കും. കഴിഞ്ഞ ഒക്‌ടോബറില്‍ അറസ്‌റ്റിലായ ബിനീഷ് കോടിയേരി 7 മാസമായി റിമാന്‍ഡിലാണ്.
Read Also: തിരഞ്ഞെടുപ്പ് തോൽവി പഠിക്കാൻ കോൺഗ്രസ് സമിതി; അശോക് ചവാൻ അധ്യക്ഷനാകും
