ന്യൂഡെൽഹി: ഡെൽഹിയിൽ നടക്കുന്ന സിപിഐഎം-സിപിഐ നേതൃയോഗങ്ങൾ ഇന്നും തുടരും. 5 സംസ്ഥാനങ്ങളിലെ നിയമസഭാ തിരഞ്ഞെടുപ്പ് ഫലം ഉൾപ്പടെയുള്ള വിഷയങ്ങൾ യോഗത്തിൽ ഇന്ന് ചർച്ച ചെയ്യും. അതേസമയം, കണ്ണൂരിൽ നടക്കുന്ന 23ആം പാർട്ടി കോൺഗ്രസിൽ അവതരിപ്പിക്കേണ്ട സംഘടനാ റിപ്പോർട്ടിന്റെ കരട് തയ്യാറാക്കാനുള്ള ചർച്ചകൾ സിപിഐഎം കേന്ദ്ര കമ്മിറ്റിയിൽ പൂർത്തിയായി.
ചരിത്രപരമായ തുടർ ഭരണം നേടിയതിലും വിഭാഗീയത പൂർണമായി അവസാനിപ്പിക്കാൻ കഴിഞ്ഞതിലും കേരള ഘടകത്തെ അഭിനന്ദിക്കുന്നതാണ് രേഖ. എന്നാൽ, ബംഗാൾ, ത്രിപുര സംസ്ഥാനങ്ങളിൽ പാർട്ടിയുടെ അടിത്തറ ദുർബലമായെന്നാണ് യോഗത്തിലെ വിലയിരുത്തൽ. പാർട്ടി കോൺഗ്രസിന് മുമ്പായി അംഗത്വ വിതരണം ഉൾപ്പടെയുള്ള സംഘടനാ വിഷയങ്ങൾ ചർച്ച ചെയ്യുന്ന സിപിഐ ദേശീയ എക്സിക്യൂട്ടീവ് കൗൺസിൽ യോഗം ഡെൽഹിയിൽ ഇന്നും തുടരും.
Most Read: കുതിച്ചുയർന്ന് ഇന്ധനവില; ശ്രീലങ്കയിൽ പെട്രോളിന് ഒറ്റയടിക്ക് വർധിച്ചത് 77 രൂപ