റോഡിനു നടുവിൽ നിലച്ചുപോയ ട്രക്കിനെ തള്ളി സഹായിക്കുന്ന കാട്ടാനയുടെ വീഡിയോ വൈറലാകുന്നു. ബാറ്ററി നിലച്ച ട്രക്കിനെ ആന പിന്നിൽ നിന്ന് തള്ളി സ്റ്റാർട് ചെയ്യാൻ സഹായിക്കുകയാണ്.
ശ്രീലങ്കയുടെ വടക്കൻ പ്രവിശ്യയിലുള്ള ഹബാരാനാ വനമേഖലയോടു ചേർന്നുള്ള പ്രദേശത്താണ് ഈ കൗതുക സംഭവം നടന്നത്. ട്രക്ക് സ്റ്റാർട് ചെയ്യാൻ ഡ്രൈവർ പരമാവധി ശ്രമിച്ചെങ്കിലും നടന്നില്ല. അപ്പോഴാണ് ട്രക്കിന് സമീപം കാട്ടാന എത്തിയത്.
ട്രെക്കിനു പിന്നിലെത്തിയ കാട്ടാന, പതുക്കെ തലവച്ച് തള്ളി. ആദ്യത്തെ തള്ളലിൽ വണ്ടി സ്റ്റാർട്ടാകാതെ വന്നതോടെ ആന ഒന്നു കൂടി ട്രക്ക് തള്ളിക്കൊടുത്തു. ഇതോടെ ട്രക്ക് സ്റ്റാർട്ടാവുകയും ശേഷം ആന അവിടെ നിന്നും നടന്നു നീങ്ങുകയും ചെയ്തു.
Most Read: ‘നിശ്ചലമായ തിരമാല’; പ്രകൃതി ഒരുക്കിയ വിസ്മയ കാഴ്ചയായി വേവ് റോക്ക്