തിരുവനന്തപുരം: ഒന്നാം പിണറായി സര്ക്കാരിന്റെ കാലാവധി അവസാനിക്കുന്ന സാഹചര്യത്തിൽ മുഖ്യമന്ത്രി ഗവര്ണര് മുമ്പാകെ രാജിക്കത്ത് നല്കി. തിങ്കളാഴ്ച രാവിലെ മന്ത്രിസഭാ യോഗത്തിന് ശേഷം രാജ്ഭവനില് എത്തിയാണ് രാജിക്കത്ത് നല്കിയത്. സര്ക്കാര് രൂപീകരിക്കാന് അനുമതി തേടിയുള്ള കത്ത് വൈകാതെ തന്നെ ഗവര്ണര്ക്ക് നല്കും.
കോവിഡ് പശ്ചാത്തലത്തില് പുതിയ സര്ക്കാര് ഉടന് തന്നെ അധികാരത്തിൽ വരുമെന്നാണ് സൂചന. കോവിഡ് പ്രതിരോധ കാര്യങ്ങളില് നയപരമായ തീരുമാനം എടുക്കുന്നതിന്റെ ഭാഗമായി ആദ്യഘട്ടത്തില് മുഖ്യമന്ത്രിയും ആരോഗ്യ മന്ത്രിയുമാകും സത്യപ്രതിജ്ഞ ചെയ്യുക.
99 സീറ്റ് നേടിയാണ് ഇടത് മുന്നണി തുടര്ഭരണം ഉറപ്പിച്ചത്. കേരളത്തിൽ ഇടതുതരംഗം എന്നാണ് വിദഗ്ധരുടെ വിലയിരുത്തൽ. പിടിച്ചെടുക്കുമെന്ന് പറഞ്ഞ സീറ്റുകള് പിടിച്ചെടുത്തും പൂട്ടുമെന്ന് പറഞ്ഞ അക്കൗണ്ട് പൂട്ടിച്ചുമാണ് ഇടതിന്റെ വിജയക്കുതിപ്പ്.
Read also: പടനയിച്ച് പിണറായി; ഗവർണറെ കാണാൻ തലസ്ഥാനത്തേക്ക്; ഇന്ന് രാജി