ന്യൂയോർക്ക്: ഡൊണാൾഡ്‌ ട്രംപിന്റെ ട്വിറ്റർ അക്കൗണ്ട് നിരോധനത്തിൽ ആഘോഷിക്കുകയോ അതിൽ അഭിമാനിക്കുകയോ ചെയ്യുന്നില്ലെന്ന് ട്വിറ്റർ മേധാവി ജാക്ക് ഡോർസി. ട്വിറ്ററിലൂടെയാണ് ട്രംപിന്റെ അക്കൗണ്ടിനെതിരെ സാമൂഹ്യ മാദ്ധ്യമ സ്‌ഥാപനങ്ങൾ സ്വീകരിച്ച നടപടികൾക്കെതിരെയുള്ള വിമർശനങ്ങളോട് ഡോർസി പ്രതികരിച്ചത്.
ട്രംപിന്റെ അക്കൗണ്ടിനെതിരെയുള്ള നടപടി ശരിയായ തീരുമാനമാണെന്നാണ് വിശ്വസിക്കുന്നതെന്ന് അദ്ദേഹം പറഞ്ഞു. അസാധാരണവും ന്യായീകരിക്കാൻ കഴിയാത്തതുമായ സാഹചര്യത്തിലൂടെയാണ് നാം കടന്നുപോയത്. ഈ സാഹചര്യം പൊതു സുരക്ഷക്ക് വേണ്ടി എല്ലാ നടപടികളും സ്വീകരിക്കാൻ തങ്ങളെ നിർബന്ധിതരാക്കിയെന്നും ഡോർസി പറഞ്ഞു.
I do not celebrate or feel pride in our having to ban @realDonaldTrump from Twitter, or how we got here. After a clear warning we’d take this action, we made a decision with the best information we had based on threats to physical safety both on and off Twitter. Was this correct?
— jack (@jack) January 14, 2021
എന്നാൽ ഒരു അക്കൗണ്ടിന് നിരോധനം ഏർപ്പെടുത്തേണ്ടി വരുന്നത് ആരോഗ്യപരമായ ആശയവിനിമയം പ്രോൽസാഹിപ്പിക്കുന്നതിൽ തങ്ങൾക്കുണ്ടായ പരാജയമാണെന്ന് ഡോർസി പറയുന്നു. ക്യാപിറ്റോൾ ആക്രമണത്തിന് പിന്നാലെയാണ് ട്രംപിന്റെ ട്വിറ്റർ അക്കൗണ്ട് മരവിപ്പിക്കാൻ തീരുമാനമെടുത്തത്. സ്‌ഥിരമായി അക്രമത്തിന് ആഹ്വാനം ചെയ്യുന്നുവെന്ന് ചൂണ്ടികാട്ടിയായിരുന്നു നടപടി.
Read Also: ഫലം ലഭിക്കാൻ രണ്ട് ഡോസ് വാക്‌സിൻ നിർബന്ധം; മന്ത്രി കെകെ ശൈലജ
