കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിൽ നിന്ന് ചാടിപ്പോയ അന്തേവാസി വാഹനാപകടത്തിൽ മരിച്ചു. റിമാൻഡ് പ്രതിയായ മലപ്പുറം സ്വദേശി മുഹമ്മദ് ഇർഫാനാണ് മരിച്ചത്. ഇന്നലെ രാത്രിയോടെയാണ് പോലീസ് കാവലുള്ള സെല്ലിൽ നിന്ന് യുവാവ് രക്ഷപ്പെട്ടത്.
സെല്ലിലെ കുളിമുറിയിലെ ഭിത്തി സ്പൂൺ ഉപയോഗിച്ച് തുരന്നാണ് ഇയാൾ പുറത്തുകടന്നതെന്നാണ് പോലീസ് നൽകുന്ന പ്രാഥമിക വിവരം. കേന്ദ്രത്തിൽ നിന്ന് രക്ഷപ്പെട്ട് മലപ്പുറത്തേക്ക് പോകുന്ന വഴിയാണ് കോട്ടയ്ക്കലിൽ നിന്ന് അപകടം ഉണ്ടായത്. തുടർന്ന് ആശുപത്രിയിൽ എത്തിച്ചെങ്കിലും ഇന്ന് മരിക്കുകയായിരുന്നു.
Most Read: വ്യാജ വീഡിയോ പ്രചാരണം തോൽവി ഭയന്ന്; പിന്നിൽ ഗൂഢാലോചനയെന്ന് കോടിയേരി ബാലകൃഷ്ണൻ