കടുത്തുരുത്തി: നിയമസഭാ തിരഞ്ഞെടുപ്പിൽ കോൺഗ്രസ് അധികാരത്തിൽ എത്തിയാൽ കാരുണ്യ പദ്ധതി ജനോപകാരപ്രദമായി പുനരുജ്ജീവിപ്പിക്കുമെന്ന് കേരള കോൺഗ്രസ് എം വർക്കിങ് ചെയർമാൻ പിജെ ജോസഫ്. സാമ്പത്തികമായി പിന്നോക്കം നിൽക്കുന്ന ജനങ്ങൾക്ക് മികച്ച ചികിൽസ ലഭ്യമാക്കാൻ യുഡിഎഫ് സർക്കാർ കെഎം മാണിയുടെ ബജറ്റിലൂടെ കൊണ്ടുവന്നതാണ് കാരുണ്യ ചികിൽസാ പദ്ധതി.
എന്നാൽ, എൽഡിഎഫ് സർക്കാർ ഈ പദ്ധതി ജനങ്ങൾക്ക് ഗുണപരമല്ലതാക്കിയെന്നും സാധാരണക്കാരോട് കടുത്ത അനീതി കാട്ടിയെന്നും പിജെ ജോസഫ് ആരോപിച്ചു. കേരള കോൺഗ്രസ് നേതാവ് കെഎം മാണിയുടെ 88ആം ജൻമദിനത്തോട് അനുബന്ധിച്ച് ജോസഫ് വിഭാഗം നടത്തിയ കാരുണ്യ ദിനാചരണത്തിന്റെ സംസ്ഥാനതല ഉൽഘാടനം നിർവഹിച്ച് കൊണ്ട് സംസാരിക്കുകയായിരുന്നു അദ്ദേഹം.
Also Read: തൃണമൂലിൽ നിന്നും ഒഴുക്ക് തുടരുന്നു; മുൻ മന്ത്രിയടക്കം അഞ്ച് പേർ ബിജെപിയിൽ