വയനാട്: ശക്‌തമായ മഴക്ക് സാധ്യത ഉള്ളതിനാൽ കാലാവസ്‌ഥാ വകുപ്പ് ജില്ലയിൽ ബുധനാഴ്‌ച മഞ്ഞ അലർട് പ്രഖ്യാപിച്ചു. വ്യാഴാഴ്‌ച ഓറഞ്ച് അലർടും പ്രഖ്യാപിച്ചിട്ടുണ്ട്. 64.5 മില്ലീമീറ്റർ മുതൽ 115.5 മില്ലീമീറ്റർ വരെയുള്ള മഴയാണ് ജില്ലയിൽ പെയ്യാൻ സാധ്യത ഉള്ളതെന്ന് അധികൃതർ മുന്നറിയിപ്പ് നൽകി. ജില്ലയിൽ ഒരാഴ്‌ചയായി വ്യാപക മഴയാണ് റിപ്പോർട് ചെയ്‌തത്‌.
മഴ തുടരുന്നതിനാൽ താഴ്ന്ന പ്രദേശങ്ങളിലുള്ളവർ, നദീതീരങ്ങളിൽ താമസിക്കുന്നവർ, മണ്ണിടിച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ കനത്ത ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി. മലയോര മേഘലകളിലേക്കുള്ള രാത്രി സഞ്ചാരവും ചില്ലയിൽ പൂർണമായി നിരോധിച്ചിട്ടുണ്ട്.
ജില്ലയിൽ ഇന്നലെ രാവിലെ വരെയുള്ള 24 മണിക്കൂറിൽ പടിഞ്ഞാറത്തറ-22.4 മില്ലീമീറ്റർ, തവിഞ്ഞാൽ-18.05, കൽപ്പറ്റ-17, വൈത്തിരി-16.3, മൂപ്പൈനാട്-18, മേപ്പാടി-17.87 എന്നിവിടങ്ങളിലാണ് കൂടുതൽ മഴ ലഭിച്ചതായി റിപ്പോർട് ചെയ്‌തിട്ടുള്ളത്‌.
Read Also: ബക്രീദ് പ്രമാണിച്ച് നൽകിയ ഇളവുകള്‍ ആരും ദുരുപയോഗം ചെയ്യില്ല; ഉമ്മന്‍ചാണ്ടി
