ന്യൂഡെൽഹി: ഏറെ പ്രതീക്ഷയോടെ വാഹന പ്രേമികൾ കാത്തിരിക്കുന്ന ഒലയുടെ ഇലക്‌ട്രിക്‌ സ്‌കൂട്ടറുകളായ എസ്1, എസ്1 പ്രോ മോഡലുകളുടെ വിൽപന നാളെ മുതൽ ആരംഭിക്കും. എന്നാൽ ഒക്‌ടോബർ മാസത്തോടെ മാത്രമേ വാഹനത്തിന്റെ വിതരണം ആരംഭിക്കുകയുള്ളൂവെന്ന് കമ്പനി അറിയിച്ചിട്ടുണ്ട്, അതിനാൽ തന്നെ നാളെ മുതൽ വാഹനം വാങ്ങാനെത്തുന്നവർ ഏകദേശം ഒരുമാസത്തോളം വീണ്ടും ഇത് കയ്യിലെത്താനായി കാത്തിരിക്കേണ്ടി വരും.
രാജ്യത്തെ 1000ത്തോളം നഗരങ്ങളിലും, ചെറു പട്ടണങ്ങളിലുമായി അടുത്ത മാസത്തോടെ വാഹനം വിതരണത്തിനായി എത്തിക്കുമെന്നാണ് കമ്പനി അറിയിച്ചിട്ടുള്ളത്. ആഗസ്‌റ്റ് 15നാണ് ഒല തങ്ങളുടെ ആദ്യത്തെ ഇലക്‌ട്രിക്‌ സ്‌കൂട്ടറുകൾ ഔദ്യോഗികമായി പുറത്തിറക്കിയത്. ഒല എസ്1 ഇലക്‌ട്രിക്‌ സ്‌കൂട്ടർ രണ്ട് വേരിയന്റുകളായാണ് എത്തുന്നത്. എസ്1, എസ്1 പ്രോ എന്നിവയാണ് ഇത്. യഥാക്രമം 99,999 രൂപ, 1,29,999 രൂപയുമാണ് ഇവയുടെ വില.
Read Also: ‘പ്രിജില്‍’ മെയ്‌ഡ്‌ ഇന്‍ ക്യാരവാന്‍ വഴി ഉദയമാകും; 15 വര്‍ഷങ്ങളുടെ പരിശ്രമഫലം!
