അബുദാബി : യുഎഇയിൽ സന്ദർശക, ടൂറിസ്‌റ്റ് വിസകളിൽ എത്തി കാലാവധി കഴിഞ്ഞിട്ടും മടങ്ങി പോകാൻ കഴിയാത്ത ആളുകൾക്ക് തിരികെ മടങ്ങാനുള്ള കാലാവധി മാർച്ച് 31 വരെ നീട്ടി. ഒരു മാസത്തേയും, മൂന്ന് മാസത്തേയും സന്ദർശക വിസകളിൽ യുഎഇയിൽ എത്തി കാലാവധി കഴിഞ്ഞിട്ടും രാജ്യത്ത് തുടരുന്ന ആളുകൾക്കാണ് ഇപ്പോൾ കാലാവധി നീട്ടി നൽകിയിരിക്കുന്നത്. ഇവർക്ക് മറ്റ് ഫീസുകൾ ഒന്നും തന്നെ നൽകാതെ മാർച്ച് 31 വരെ രാജ്യത്ത് തുടരാവുന്നതാണ്.
സന്ദർശക വിസയിലെത്തിയ ആളുകളുടെ വിസ കാലാവധി നീട്ടിയതുമായി ബന്ധപ്പെട്ട് മാദ്ധ്യമങ്ങളാണ് റിപ്പോർട് ചെയ്‌തിട്ടുള്ളത്. കൂടാതെ ട്രാവൽ ഏജൻസികൾ ഇക്കാര്യം സ്‌ഥിരീകരിച്ചതായും മാദ്ധ്യമങ്ങൾ വ്യക്‌തമാക്കുന്നുണ്ട്. 2020 ഡിസംബര്‍ 29ന് മുമ്പ് അനുവദിച്ച സന്ദര്‍ശക വിസയിലെത്തിയവര്‍ക്കാണ് ഈ ആനുകൂല്യം ലഭിക്കുക.
Read also : ഖത്തറിൽ ഇന്ധനവിലയിൽ വർധന
