തെൻമല: കൊല്ലം തെൻമലയിൽ കാൽനട യാത്രക്കാരികളായ മൂന്ന് പെൺകുട്ടികൾ പിക്കപ്പ് വാനിടിച്ച് മരിച്ചു. ഉറുകുന്ന് നേതാജി വാർഡ് ഓലിക്കര പുത്തൻവീട്ടിൽ അലക്സ്-സിന്ധു ദമ്പതികളുടെ മക്കളായ ശാലിനി(14), ശ്രുതി(11), ഉറുകുന്ന് ജിഷ ഭവനിൽ കുഞ്ഞുമോൻ- സുജ ദമ്പതികളുടെ മകൾ കെസിയ(16) എന്നിവരാണ് അപകടത്തിൽ മരിച്ചത്.
തെൻമല ഉറുകുന്നിൽ വെച്ച് ഇന്ന് വൈകീട്ടോടെയാണ് അപകടം ഉണ്ടായത്. ശ്രുതിയും കെസിയയും സംഭവ സ്ഥലത്ത് വെച്ച് തന്നെ മരണപ്പെട്ടു. ശാലിനി തിരുവനന്തപുരം മെഡിക്കൽ കോളേജ് ആശുപത്രിയിൽ കൊണ്ടുപോകും വഴിയാണ് മരണപ്പെട്ടത്.
പുനലൂരിൽ നിന്ന് തമിഴ്നാട്ടിലേക്ക് പോവുകയായിരുന്ന പിക്കപ്പ് വാനാണ് നിയന്ത്രണം വിട്ട് ഇവരെ ഇടിച്ചു തെറിപ്പിച്ചത്. വാഹനമോടിച്ച തമിഴ്നാട്ടുകാരൻ ഡ്രൈവർ വെങ്കിടേഷിനെ പോലീസ് കസ്റ്റഡിയിൽ എടുത്തു.
Read Also: സംസ്ഥാനത്തെ കോവിഡ് പരിശോധന മാര്ഗ നിര്ദേശങ്ങള് പുതുക്കി