എറണാകുളം: കുറുമശേരിയിൽ ഒരു കുടുംബത്തിലെ മൂന്ന് പേരെ തൂങ്ങിമരിച്ച നിലയിൽ കണ്ടെത്തി. ഗൃഹനാഥനെയും ഭാര്യയെയും മകനെയുമാണ് മരിച്ച നിലയിൽ കണ്ടെത്തിയത്. കുറുമശേരി അമ്പാട്ടുപറമ്പിൽ ഗോപി (62), ഭാര്യ ഷീല (55), മകൻ ഷിബി (33) എന്നിവരെയാണ് വീടിന്റെ ഹാളിൽ തൂങ്ങിമരിച്ച നിലയിൽ കണ്ടെത്തിയത്. മകന്റെ സാമ്പത്തിക പ്രതിസന്ധിയാണ് കൂട്ട ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം.
അയൽവാസികളാണ് വിവരം പോലീസിൽ അറിയിച്ചത്. ചെങ്ങമനാട് പോലീസ് അന്വേഷണം ആരംഭിച്ചിട്ടുണ്ട്. സാമ്പത്തിക പ്രതിസന്ധി മൂലം വലിയ മാനസിക വിഷമത്തിലായിരുന്നു കുടുംബമെന്ന് പോലീസ് പറയുന്നു. ഷിബി വിദേശത്ത് നിന്ന് മടങ്ങിവന്നയാളാണ്. ഭാര്യയെയും രണ്ടു മക്കളെയും ഷിബി കഴിഞ്ഞ ദിവസം ഭാര്യയുടെ വീട്ടിൽ കൊണ്ടുവിട്ടിരുന്നു. പിന്നാലെയാണ് കൂട്ട ആത്മഹത്യ.
Most Read| പുതുപ്പള്ളിയുടെ പടനായകൻ ആര്? ജനവിധിയറിയാൻ ഇനി മണിക്കൂറുകൾ മാത്രം