തൃശൂർ: ജില്ലയിൽ കോവിഡ് ബാധിച്ച് ചികിത്സയിലായിരുന്ന രണ്ട് പേർ മരിച്ചു. ഹൃദയ, വൃക്ക സംബന്ധമായ അസുഖങ്ങളോടെ ചികിത്സയിലിരിക്കേ കോവിഡ് ബാധിച്ച ചെങ്ങാലൂർ സ്നേഹപുരം സ്വദേശി മേൽവീട്ടിൽ ബാഹുലേയൻ (57), രോഗം സ്ഥിരീകരിച്ച ശേഷം ന്യുമോണിയ ബാധിച്ച പെരുമ്പിലാവ് കോട്ടോൽ വില്ലന്നൂർ നൂനിയിൽ വീട്ടിൽ റിഫാഈൻ (43) എന്നിവരാണ് മരിച്ചത്. ഇതോടെ ജില്ലയിൽ ചികിത്സയിലിരിക്കേ മരണപ്പെട്ടവരുടെ ആകെ എണ്ണം 22 ആയി.
ജില്ലയിൽ ഇന്നലെ സമ്പർക്കത്തിലൂടെ 200 പേർക്ക് രോഗം ബാധിച്ചു. ഇതിൽ 18 പേരുടെ ഉറവിടം വ്യക്തമായിട്ടില്ല. ദയ– 11, പരുത്തിപ്പാറ– 9, എലൈറ്റ് –1, പൊലീസ് അക്കാദമി ഐപിആർടിസി –59, അഴീക്കോട് – 4, സ്പിന്നിങ് മിൽ – 12, ജനത– 1, ആർഎംഎസ്– 1, ജൂബിലി– 1, വാടാനപ്പള്ളി ഫുഡ് മസോൺ – 14, വാടാനപ്പള്ളി ഫിഷ് മാർക്കറ്റ്– 1 എന്നിങ്ങനെയാണ് ക്ലസ്റ്റർ തല സമ്പർക്കം. ഒരു ആരോഗ്യ പ്രവർത്തകനും കോവിഡ് സ്ഥിരീകരിച്ചു.
140 പേരാണ് ഇന്നലെ കോവിഡ് മുക്തരായത്. ചികിത്സയിലായിരുന്ന 3517 പേർ ഡിസ്ചാർജ് ആയി. നിലവിൽ 1446 പേരാണ് ചികിത്സയിൽ കഴിയുന്നത്. ഇത് വരെ 5017 പേർക്ക് രോഗം സ്ഥിരീകരിച്ചു.