തൃശൂർ: പൂരം എക്‌സിബിഷന് നിയന്ത്രണം ഏർപ്പെടുത്തിയാൽ തൃശൂർ പൂരവും എക്‌സിബിഷനും ഉപേക്ഷിക്കുമെന്ന മുന്നറിയിപ്പുമായി സംഘാടക സമിതി. എക്‌സിബിഷന് ഓൺലൈൻ ബുക്കിങ് എന്ന നിബന്ധന അംഗീകരിക്കാനാവില്ല എന്നാണ് സംഘാടക സമിതി പറയുന്നത്. പ്രതിഷേധ സൂചകമായി ജില്ലാ കളക്‌ടർ വിളിച്ച യോഗം സംഘാടക സമിതി ബഹിഷ്‌കരിച്ചു.
ആഴ്‌ചകൾ നീണ്ട ചർച്ചകള്‍ക്കൊടുവിലാണ് പൂരവും എക്‌സിബിഷനും നടത്താൻ സർക്കാർ അനുമതി നൽകിയത്. കോവിഡിന്റെ രണ്ടാം തരംഗം വ്യാപിക്കുന്ന പാശ്‌ചാത്തലത്തില്‍ എക്‌സിബിഷന് നിയന്ത്രണങ്ങൾ ഏർപ്പെടുത്തേണ്ടി വരുമെന്നാണ് മെഡിക്കൽ ഓഫീസറുടെ റിപ്പോർട്.
ഓൺലൈൻ ബുക്കിംഗ് വഴി ദിനംപ്രതി 200 സന്ദർശകർക്ക് മാത്രമേ എക്‌സിബിഷന് അനുമതിയുള്ളു. ഇതിനെതിരെ പ്രതിഷേധം ശക്‌തമാക്കാനാണ് സമിതിയുടെ തീരുമാനം. പൂരത്തെ തകർക്കാനുള്ള ജില്ലാ ഭരണകൂടത്തിന്റെ നീക്കം ഉപേക്ഷിക്കണമെന്നും നിയന്ത്രണം ഏർപ്പെടുത്തിയാൽ പൂരം പൂർണമായും ഉപേക്ഷിക്കുമെന്നും സംഘാടക സമിതി പറയുന്നു.
Read Also: ശബരിമല; ഇടതുപക്ഷ നിലപാടില്‍ മാറ്റമില്ലെന്ന് ആനി രാജ
