തിരുവനന്തപുരം: ഒക്ടോബർ ഒന്നാം തീയതി മുതൽ കെഎസ്ആർടിസി ടിക്കറ്റ് നിരക്ക് കുറയ്ക്കുമെന്ന് വ്യക്തമാക്കി ഗതാഗത വകുപ്പ് മന്ത്രി ആന്റണി രാജു. കോവിഡ് വ്യാപനത്തിന് മുൻപ് ഈടാക്കിയിരുന്ന നിരക്കിലേക്കാണ് അടുത്ത മാസം മുതൽ മാറ്റം വരുത്തുന്നത്.
സംസ്ഥാനത്ത് കോവിഡ് വ്യാപനം ഉയർന്നതിന് പിന്നാലെ കെഎസ്ആർടിസി ബസുകൾ ഉൾപ്പടെയുള്ള പൊതു ഗതാഗതത്തിൽ ടിക്കറ്റ് നിരക്ക് ഉയർത്തിയിരുന്നു. കോവിഡ് മാനദണ്ഡങ്ങൾ പാലിച്ചുകൊണ്ട് ആളുകളെ കയറ്റുമ്പോൾ വരുമാനത്തിൽ ഉണ്ടാകുന്ന ഇടിവ് പരിഹരിക്കുന്നതിന് വേണ്ടിയാണ് നിരക്ക് ഉയർത്താൻ അന്ന് തീരുമാനിച്ചത്.
അതേസമയം ബസ് ചാർജ് കൂട്ടണമെന്ന ശുപാർശയും ജസ്റ്റിസ് രാമചന്ദ്രൻ കമ്മീഷൻ മുന്നോട്ട് വച്ചിട്ടുണ്ട്. ഇക്കാര്യം സർക്കാർ ചർച്ച ചെയ്യുമെന്നും അധികൃതർ വ്യക്തമാക്കി. കൂടാതെ ലോ ഫ്ളോർ, വോൾവോ ബസുകളിൽ സൈക്കിൾ, ഇലക്ട്രിക് സ്കൂട്ടർ എന്നിവ കൊണ്ടുപോകുന്നതിനും അനുമതി നൽകിയിട്ടുണ്ടെന്ന് മന്ത്രി അറിയിച്ചു. ഇതിന്റെ നിരക്ക് ഉടൻ പ്രഖ്യാപിക്കുമെന്നും മന്ത്രി കൂട്ടിച്ചേർത്തു.
Read also: ‘നേതൃത്വത്തിന് നന്ദി’; മന്ത്രിസ്ഥാനം ലഭിച്ചതിന് പിന്നാലെ ജിതിന് പ്രസാദ