ടിക് ടോക്കിന്റെ ചീഫ് എക്സിക്യൂട്ടീവ് ഓഫീസര് കെവിന് മയെര് രാജിവെച്ചു. ജനറല് മാനേജര് വനേസ പപ്പസ് കമ്പനിയുടെ ഇടക്കാല സിഇഒയായി ചുമതലയേല്ക്കും.
അമേരിക്കന് പ്രസിഡന്റ് ഡൊണാള്ഡ് ട്രംപിനെതിരെ കേസ് നല്കി കുറച്ചു ദിവസങ്ങള്ക്ക് ശേഷമാണ് മയേറിന്റെ രാജി.എക്സിക്യൂട്ടീവ് ഓര്ഡര് ഉപയോഗിച്ച് ടിക്ടോക്കിനെ രാജ്യത്ത് നിരോധിക്കാന് അമേരിക്കന് ഭരണകൂടം തീരുമാനിച്ചതിന് പിന്നാലെയാണ് ട്രംപിനെതിരെ കേസ് രജിസ്റ്റര് ചെയ്തത്.
വാള്ട്ട് ഡിസ്നി കോര്പറേഷന്റെ മുന് സ്ട്രീമിംഗ് എക്സിക്യൂട്ടീവ് ആയിരുന്നു കെവിന് മയെര്. ജൂണ് 1 നാണ് ഇദ്ദേഹം ടിക്ടോക്കിന്റെ സിഇഒ പദവി ഏറ്റെടുക്കുന്നത്.ബൈറ്റ്ഡാന്സിന്റെ ചീഫ് ഓപ്പറേറ്റിംഗ് ഓഫീസറുമായിരുന്നു.