അബുദാബി: കോവിഡ് വാക്സിന്റെ ബൂസ്റ്റർ ഡോസ് സ്വീകരിക്കാനുള്ള അവസാന തീയതി അബുദാബിയിൽ ഇന്ന്. ഇതേ തുടർന്ന് വാക്സിനേഷൻ സെന്ററുകളിൽ വലിയ തിരക്കാണ് അനുഭവപ്പെടുന്നത്. 20ആം തീയതിക്കുള്ളിൽ അബുദാബിയിലെ താമസ വിസക്കാർ കോവിഡ് വാക്സിന്റെ ബൂസ്റ്റർ ഡോസ് സ്വീകരിക്കണമെന്നാണ് അധികൃതർ നിർദ്ദേശം നൽകിയിരുന്നത്.
വാക്സിന്റെ രണ്ടാം ഡോസ് സ്വീകരിച്ച ആളുകൾ നിർബന്ധമായും 6 മാസത്തിന് ശേഷം ബൂസ്റ്റർ ഡോസ് സ്വീകരിക്കണമെന്നാണ് അബുദാബിയിൽ താമസ വിസക്കാർക്ക് നൽകിയ നിർദ്ദേശം. ബൂസ്റ്റർ ഡോസ് സ്വീകരിക്കാത്ത ആളുകളുടെ അൽഹൊസൻ ആപ്പിൽ ചാര നിറമാകും തെളിയുക. ഇങ്ങനെയുള്ളവർക്ക് അബുദാബിയിലെ പല പൊതു ഇടങ്ങളിലും പ്രവേശിക്കാനാകില്ലെന്നും അധികൃതർ വ്യക്തമാക്കിയിട്ടുണ്ട്.
നിലവിൽ സിനോഫാം വാക്സിൻ സ്വീകരിച്ച ആളുകളാണ് ബൂസ്റ്റർ ഡോസ് സ്വീകരിക്കണമെന്ന് അധികൃതർ നിർദ്ദേശിച്ചിട്ടുള്ളത്. മറ്റ് വാക്സിൻ സ്വീകരിച്ചവർക്ക് ബൂസ്റ്റർ ഡോസ് സ്വീകരിക്കാൻ നിർദ്ദേശം നൽകിയിട്ടില്ല.
Read also: വണ്ടിപ്പെരിയാർ പീഡനം; കുറ്റപത്രം ഇന്ന് സമർപ്പിക്കും