തിരുവനന്തപുരം : ഡിജിപി ടോമിന്‍ ജെ തച്ചങ്കരിയെ കേരള ഫിനാന്‍സ് കോര്‍പ്പറേഷന്‍ മാനേജിംഗ് ഡയറക്ടറായി നിയമിച്ചു. ഈയടുത്താണ് അദ്ദേഹത്തെ ഡിജിപി യായി നിയമിച്ചത്.
കെഎസ്ആര്‍ടിസി ഉള്‍പ്പെടെ നിരവധി പൊതുമേഖലാ സ്ഥാപനങ്ങളുടെ തലവനായി ടോമിന്‍ തച്ചങ്കരി സേവനമനുഷ്ഠിച്ചിട്ടുണ്ട്. ഒപ്പം തന്നെ സംസ്ഥാനത്തെ നിരവധി തസ്തികകളില്‍ അദ്ദേഹം പ്രവര്‍ത്തിച്ചു. പോലീസ് ഹെഡ്ക്വാര്‍ട്ടേഴ്സ് എഡിജിപി, ട്രാന്‍സ്പോര്‍ട്ട് കമ്മീഷണര്‍, ഫയര്‍ ഫോഴ്‌സ് മേധാവി എന്നിവ അവയില്‍ ചിലതാണ്. റോഡ് സേഫ്റ്റി കമ്മീഷണറായിരുന്ന എന്‍.ശങ്കര്‍ റെഡ്ഡി വിരമിച്ച ഒഴിവിലാണ് ടോമിന്‍ തച്ചങ്കരിക്ക് ഡിജിപി യായി സ്ഥാനക്കയറ്റം നല്‍കിയത്. 3 വര്‍ഷത്തെ സേവനകാലാവധി കൂടിയാണ് ഇനി തച്ചങ്കരിക്ക് ഉള്ളത്. അടുത്ത വര്‍ഷത്തോടെ സംസ്ഥാന പോലീസ് മേധാവി ലോക്നാഥ് ബെഹ്റ വിരമിക്കുമ്പോള്‍ സംസ്ഥാനത്തെ ഏറ്റവും സീനിയര്‍ ആയ ഐപിഎസ് ഉദ്യോഗസ്ഥന്‍ തച്ചങ്കരി ആയിരിക്കും.
