കണ്ണൂർ: തളിപ്പറമ്പിൽ ഗതാഗത നിയന്ത്രണം ഇന്ന് മുതൽ പ്രാബല്യത്തിൽ. സംസ്ഥാനപാതയിൽ തളിപ്പറമ്പ്-ശ്രീകണ്ഠപുരം-ഇരിട്ടി റോഡിൽ കപ്പാലം-മന്ന റോഡ് വീതി കൂട്ടുന്നതിന്റെ ഭാഗമായാണ് ഗതാഗത നിയന്ത്രണം. ഈ മാസം 14 വരെയാണ് നിയന്ത്രണം ഏർപ്പെടുത്തിയിരിക്കുന്നത്.
തളിപ്പറമ്പിൽ നിന്ന് ആലക്കോട് ഭാഗത്തേക്ക് പോകുന്ന വാഹനങ്ങൾ കപ്പാലം-വ്യാപാരഭവൻ-രാജരാജേശ്വര ക്ഷേത്രം-ആടിക്കുംപാറ-കാര്യാലയം-സെയ്ദ് നഗർ വഴി ആലക്കോടേക്ക് പോകണം. ശ്രീകണ്ഠപുരത്ത് നിന്ന് തളിപ്പറമ്പിലേക്ക് വരുന്ന വാഹനങ്ങൾ മന്ന കവല-ചിൻമയ മിഷൻ സ്കൂൾ-പൂക്കോത്തുനട വഴി തലപ്പറമ്പിലെത്തണം.
Most Read: കർണാടകയിലെ ഹിജാബ് നിരോധനം; പ്രതിഷേധവുമായി എംഎസ്എഫ്