മനാമ: പുതിയ കോവിഡ് വകഭേദം കണ്ടെത്തിയ സാഹചര്യത്തില് ബഹ്റൈന് യാത്രാവിലക്ക് ഏര്പ്പെടുത്തിയ രാജ്യങ്ങളുടെ റെഡ് ലിസ്റ്റ് പുറത്തിറക്കി. ദക്ഷിണാഫ്രിക്ക, നമീബിയ, ലിസോത്തോ, ബോട്സ്വാന, ഈസ്വാതിനി, സിബാംവെ എന്നീ രാജ്യങ്ങളാണ് റെഡ് ലിസ്റ്റില് ഉള്പ്പെട്ടിട്ടുള്ളത്.
കോവിഡ് പ്രതിരോധവുമായി ബന്ധപ്പെട്ട് ഈ ആറ് രാജ്യങ്ങളില് നിന്നുള്ള എല്ലാ യാത്രക്കാരെയും ബഹ്റൈനില് പ്രവേശിക്കുന്നതില് നിന്ന് വിലക്കിയിട്ടുണ്ട്. ഈ രാജ്യങ്ങള് സന്ദര്ശിച്ച ട്രാന്സിറ്റ് യാത്രക്കാര്ക്കും വിലക്കുണ്ട്. എന്നാല് ബഹ്റൈന് പൗരൻമാര്, താമസക്കാര് എന്നിവരെ വിലക്കില് നിന്ന് ഒഴിവാക്കി.
റെഡ് ലിസ്റ്റില് ഇല്ലാത്ത രാജ്യങ്ങളില് നിന്നുള്ളവര്ക്ക് നിലവിലുണ്ടായിരുന്ന യാത്രാ നടപടിക്രമങ്ങള് തുടരും. പുതിയ കോവിഡ് വകഭേദത്തിന്റെ പശ്ചാത്തലത്തില് ഏഴ് ആഫ്രിക്കന് രാജ്യങ്ങളില് നിന്നുള്ള യാത്രക്കാര്ക്ക് സൗദി അറേബ്യയും യുഎഇയും വിലക്ക് ഏര്പ്പെടുത്തിയിട്ടുണ്ട്.
Kerala News: പ്ളസ് വൺ പരീക്ഷാഫലം പ്രസിദ്ധീകരിച്ചു