വയനാട്: ജില്ലയിലെ എടവകയിൽ രണ്ടര വയസുകാരി മുങ്ങിമരിച്ചു. കാരക്കുനി ചെമ്പിലോട് സ്വദേശി നൗഫലിന്റെ മകൾ നാദിയ ഫാത്തിമയാണ് മരിച്ചത്.
വീടിന് സമീപത്തെ കുളത്തില് മുങ്ങി മരിക്കുകയായിരുന്നു. കൂട്ടുകാർക്കൊപ്പം കുളത്തിൽ കളിക്കുന്നതിനിടെയാണ് അപകടത്തിൽപെട്ടത്. ഉടൻ കുട്ടിയെ കരക്കെത്തിച്ച് വയനാട് മെഡിക്കൽ കോളേജിലേക്ക് കൊണ്ടു പോയെങ്കിലും ജീവൻ രക്ഷിക്കാനായില്ല. നജുമത് ആണ് കുട്ടിയുടെ മാതാവ്.
അതേസമയം തൃശൂരും ഒരു മുങ്ങിമരണം റിപ്പോർട് ചെയ്തിട്ടുണ്ട്. ആറാട്ടുപുഴ മന്ദാരംകടവിൽ കുളിക്കാനിറങ്ങിയ രണ്ട് കുട്ടികളാണ് അപകടത്തിൽപ്പെട്ടത്. ഇതിൽ ആറാട്ടുപുഴ സ്വദേശി ഗൗതമിന്റെ മൃതദേഹമാണ് കണ്ടെത്തിയത്. പതിനാലു വയസായിരുന്നു. സുഹൃത്ത് ഷിജിനെ(15) കണ്ടെത്താൻ തിരച്ചിൽ തുടരുകയാണ്.
Malabar News: പാലക്കാട് ഇരട്ടകൊലപാതകം; കൂടുതൽ അറസ്റ്റിന് സാധ്യതയെന്ന് ക്രൈം ബ്രാഞ്ച്