തിരുവനന്തപുരം: വിഷു കൈനീട്ടമായി രണ്ടു മാസത്തെ ക്ഷേമ പെൻഷൻ ഒരുമിച്ചു വിതരണം ചെയ്യാൻ തീരുമാനം. ഈ മാസം പത്ത് മുതൽ തുക വിതരണം ചെയ്യും. കുടിശികയായ ജനുവരി, ഫെബ്രുവരി മാസത്തെ പെൻഷൻ തുകയായ 3200 രൂപയാണ് വിതരണം ചെയ്യുക. സംസ്ഥാനത്തെ 60 ലക്ഷത്തോളം പേർക്കുള്ള വിഷുകൈനീട്ടം ആണിതെന്ന് ധനകാര്യ മന്ത്രി കെഎൻ ബാലഗോപാൽ അറിയിച്ചു. ഇതിനായി സർക്കാർ 1,871 കോടി രൂപ അനുവദിച്ചു.
കേന്ദ്ര സർക്കാരിന്റെ കടുത്ത സാമ്പത്തിക വിവേചനത്തിന്റെ ഭാഗമായി സംസ്ഥാനം സാമ്പത്തിക ബുദ്ധിമുട്ടുകൾ നേരിടുന്ന ഘട്ടത്തിലും വർഷാന്ത്യ ചിലവുകൾക്കായി 22,000 കോടി രൂപ മാർച്ച് മാസത്തിൽ മാത്രം അനുവദിക്കാൻ സർക്കാരിന് കഴിഞ്ഞുവെന്ന് ധനമന്ത്രി പറഞ്ഞു. 60 ലക്ഷത്തോളം ആളുകളിലേക്ക് രണ്ടു മാസത്തെ ക്ഷേമ പെൻഷൻ ഒരുമിച്ചു നൽകുന്നതിലൂടെ സർക്കാരിന്റെ ജനപക്ഷ നിലപാട് ഉയർത്തിപിടിക്കുകയാണ് ചെയ്യുന്നതെന്നും ധനമന്ത്രി കൂട്ടിച്ചേർത്തു.
Most Read: ബ്രഹ്മപുരം ആരോഗ്യ പ്രശ്നങ്ങള് പഠിക്കാന് വിദഗ്ധ സമിതിയായി
ജനങ്ങളെ വിഡ്ഢികളാക്കുന്ന മെസ്സേജ് ഇടാതിരിക്കുക പെൻഷൻ എന്ന് പറഞ്ഞ് ജനങ്ങളെ വിഡ്ഢികളാക്കരുത് പ്ലീസ്