ഇടുക്കി: ജലനിരപ്പ് ഉയർന്ന സാഹചര്യത്തിൽ മുല്ലപ്പെരിയാർ അണക്കെട്ടിന്റെ രണ്ട് ഷട്ടറുകൾ കൂടി തുറന്നു. വൃഷ്ടി പ്രദേശങ്ങളിൽ മഴ ശക്തമായതോടെയാണ് അണക്കെട്ടിലെ ജലനിരപ്പ് വീണ്ടും ഉയർന്നത്. തുടർന്ന് 141.55 അടിയായി ജലനിരപ്പ് ഉയർന്നതിനെ തുടർന്നാണ് രണ്ട് ഷട്ടറുകൾ കൂടി തുറന്നത്.
ജലനിരപ്പ് ഉയരുന്ന സാഹചര്യത്തിൽ രാവിലെ ഒരു ഷട്ടർ തുറന്നിരുന്നു. നിലവിൽ 1,200 ഘനയടിയോളം ജലമാണ് ഡാമിൽ നിന്നും പുറത്തേക്ക് ഒഴുക്കി വിടുന്നത്. കൂടുതൽ ഷട്ടറുകൾ ഉയർത്തിയ സാഹചര്യത്തിൽ പെരിയാർ തീരത്തുള്ള ആളുകൾ ജാഗ്രത പാലിക്കണമെന്ന് അധികൃതർ നിർദ്ദേശം നൽകിയിട്ടുണ്ട്.
വൃഷ്ടി പ്രദേശത്ത് മഴ കൂടിയതിനൊപ്പം ഡാമിൽ നിന്നും തമിഴ്നാട് കൊണ്ടു പോകുന്ന വെള്ളത്തിന്റെ അളവ് കുറച്ചതുമാണ് നിലവിൽ ജലനിരപ്പ് ഉയരാൻ കാരണമായത്.
Read also: കെ-റെയിൽ സംസ്ഥാന താല്പര്യത്തിന് വിരുദ്ധം; ഇ ശ്രീധരന്