മലപ്പുറം: കോവിഡ് മാനദണ്ഡം ലംഘിച്ച്‌ ട്യൂഷന്‍ സെന്ററില്‍ ക്ളാസ് നടത്തിയ സംഭവത്തില്‍ കോട്ടക്കലില്‍ രണ്ടുപേരെ അറസ്‌റ്റ് ചെയ്‌തു. കോട്ടക്കല്‍ പറമ്പിലങ്ങാടിയിലെ യൂണിവേഴ്സല്‍ സെന്റര്‍ നടത്തിപ്പുകാരായ രണ്ട് പേരാണ് അറസ്‌റ്റിലായത്.
കോവിഡ് മാനദണ്ഡങ്ങള്‍ പാലിക്കാതെ 200 ഓളം കുട്ടികളെ ഒന്നിച്ചിരുത്തി ക്ളാസ് നടത്തിയെന്നാണ് കേസ്. കഴിഞ്ഞ ദിവസം ചൈല്‍ഡ് ലൈന്‍ നടത്തിയ പരിശോധനയിലാണ് ക്ളാസ് എടുക്കുന്നതായി കണ്ടെത്തിയത്.
തുടർന്ന് സംഭവത്തില്‍ കഴിഞ്ഞ ദിവസം കളക്‌ടർ, ഡി എംഒ, സിഡബ്ള്യുസി ചെയര്‍മാന്‍ എന്നിവര്‍ക്ക് റിപ്പോര്‍ട് സമര്‍പ്പിച്ചിരുന്നു. ഇതിനെ പിന്നാലെയാണ് ട്യൂഷന്‍ നടത്തിപ്പുകാർക്ക് എതിരെ നടപടി കൈക്കൊണ്ടത്. മാനേജരടക്കം രണ്ട് പേരെയാണ് അറസ്‌റ്റ് ചെയ്‌തതെന്ന് കോട്ടക്കല്‍ സിഐ എം സുജിത്ത് അറിയിച്ചു. ജില്ലയിൽ കോവിഡ് വ്യാപനം രൂക്ഷമാകുന്ന സാഹചര്യത്തിൽ നിയന്ത്രണങ്ങൾ കൂടുതൽ കടുപ്പിക്കുകയാണ് അധികൃതർ.
Malabar News: കോവിഡിനൊപ്പം ഡെങ്കിയും; സമാന ലക്ഷണങ്ങൾ; കടുത്ത ഭീതിയിൽ മലയോരം
