അബുദാബി : കഴിഞ്ഞ 24 മണിക്കൂറിനിടെ യുഎഇയിൽ 1,518 പേർക്ക് കൂടി കോവിഡ് സ്ഥിരീകരിച്ചു. കൂടാതെ രാജ്യത്തിന്റെ വിവിധ ഭാഗങ്ങളിലായി 6 പേരാണ് കഴിഞ്ഞ 24 മണിക്കൂറിൽ കോവിഡിനെ തുടർന്ന് മരിച്ചത്. അതേസമയം തന്നെ കോവിഡ് ബാധിച്ച് ചികിൽസയിൽ കഴിഞ്ഞിരുന്ന 1,490 പേർ കൂടി രാജ്യത്ത് കഴിഞ്ഞ ദിവസം രോഗമുക്തരായി.
യുഎഇയിൽ നിലവിൽ കോവിഡ് ബാധിതരായ ആകെ ആളുകളുടെ എണ്ണം 6,50,220 ആയി ഉയർന്നു. ഇവരിൽ 6,28,290 പേരും ഇതുവരെ കോവിഡ് മുക്തരായിട്ടുണ്ട്. കൂടാതെ രാജ്യത്ത് ഇതുവരെ കോവിഡിനെ തുടർന്ന് മരിച്ച ആകെ ആളുകളുടെ എണ്ണം 1,866 ആണ്.
കഴിഞ്ഞ 24 മണിക്കൂറിൽ രാജ്യത്ത് കോവിഡിനെ തുടർന്ന് ചികിൽസയിൽ കഴിയുന്ന ആളുകളുടെ എണ്ണം 20,000 കടന്നു. നിലവിൽ 20,064 കോവിഡ് ബാധിതരാണ് രാജ്യത്ത് ചികിൽസയിൽ കഴിയുന്നത്. കൂടാതെ കഴിഞ്ഞ 24 മണിക്കൂറിൽ രാജ്യത്ത് 2,80,747 കോവിഡ് പരിശോധനകൾ നടത്തിയതായും അധികൃതർ വ്യക്തമാക്കി.
Read also : ശബ്ദ മലിനീകരണം തടയാൻ നിയമ ഭേദഗതി; ഡെൽഹിയിൽ ഒരു ലക്ഷം രൂപ വരെ പിഴ