തിരുവനന്തപുരം: തലസ്ഥാനത്ത് യുവാവിനെ വീട്ടില് കൊല്ലപ്പെട്ട നിലയില് കണ്ടെത്തി. ഊബര് ഡ്രൈവര് സമ്പത്തിനെയാണ് കഴുത്തിലും കാലിലും കുത്തേറ്റ നിലയില് ചാക്കയിലെ വാടക വീട്ടിൽ കണ്ടെത്തിയത്. സംഭവത്തില് രണ്ടുപേരെ പോലീസ് കസ്റ്റഡിയിലെടുത്തു.
ഇന്ന് രാവിലെയാണ് സംഭവം. മരണകാരണം വ്യക്തമല്ല. ലഹരി സംഘങ്ങള് തമ്മിലുള്ള കുടിപ്പകയാണോ കൊലപാതകത്തിന് പിന്നിലെന്ന് പോലീസ് അന്വേഷിച്ച് വരികയാണ്. നിലവിൽ കസ്റ്റഡിയിൽ എടുത്തവര്ക്ക് ക്രിമിനല് ബന്ധം ഉളളതായി സംശയമുണ്ടെന്ന് പോലീസ് അറിയിച്ചു. കൊലപാതകത്തിൽ രണ്ടുപേരെ കൂടി ഉടൻ കസ്റ്റഡിയിലെടുക്കും എന്നാണ് സൂചന. സംഭവവുമായി ബന്ധപ്പെട്ട കൂടുതല് വിവരങ്ങള് പോലീസ് പുറത്തുവിട്ടിട്ടില്ല.
Most Read: സ്വർണക്കടത്ത്; സംഘത്തിലെ രണ്ടാമനെ തിരഞ്ഞ് കസ്റ്റംസ്; അന്വേഷണം കണ്ണൂർ സ്വദേശിയിലേക്ക്