ഹൈദരാബാദ്: അപ്രതീക്ഷിതമായി ഇലക്ട്രിക് സ്കൂട്ടർ തീപിടിച്ച പശ്ചാത്തലത്തിൽ 2000 മോഡലുകൾ തിരികെവിളിച്ച് ഹൈദരാബാദ് ആസ്ഥാനമായി പ്രവർത്തിക്കുന്ന ഇവി സ്റ്റാർട്ട്അപ്പ് കമ്പനി പ്യുവർ ഇവി. തെലങ്കാനയിലെ നസിമാബാദിലാണ് പ്യുവർ ഇലക്ട്രിക് സ്കൂട്ടറുകളിലൊന്ന് അഗ്നിക്കിരയായത്. ഇതിന്റെ ഭാഗമായാണ് കമ്പനി ഇട്രൻസ് പ്ളസ്, ഇപ്ളൂട്ടോ 7ജി ശ്രേണിയിലുള്ള 2000 യൂണിറ്റുകൾ തിരിച്ചു വിളിച്ചിരിക്കുന്നത്.
രാത്രിയിൽ ചാർജ് ചെയ്യാൻ വച്ച പ്യുവർ ഇവി സ്കൂട്ടറിന്റെ ബാറ്ററി പായ്ക്ക് വീടിനുള്ളിൽ പൊട്ടിത്തെറിച്ച് 80 വയസുള്ള ഒരാളുടെ ജീവൻ അപഹരിച്ച ഞെട്ടിക്കുന്ന സംഭവമാണ് ഹൈദരാബാദിൽ ഉണ്ടായത്. അതേസമയം, തിരിച്ചു വിളിച്ച വാഹനങ്ങളും അവയുടെ ബാറ്ററികളും ഉടൻ സമഗ്രമായ പരിശോധനയ്ക്ക് വിധേയമാക്കുമെന്ന് പ്യുവർ ഇവി പ്രസ്താവനയിലൂടെ വ്യക്തമാക്കിയിട്ടുണ്ട്.
Read Also: മുഖ്യമന്ത്രി അമേരിക്കയിലേക്ക് യാത്ര തിരിച്ചു; പകരം ചുമതലയില്ല