കണ്ണൂര്‍: ഏഴിമല നാവിക അക്കാദമിക്കുനേരെ അജ്‌ഞാതന്റെ ബോംബ് ഭീഷണി. ഭീഷണി കത്തിലൂടെയാണ് ഇന്ത്യന്‍ നാവിക സേനയുടെ കീഴിലുള്ള ഏഷ്യയിലെ തന്നെ ഏറ്റവും വലിയ നാവിക പരിശീലന കേന്ദ്രമായ ഏഴിമല അക്കാദമിയില്‍ അജ്‌ഞാതന്‍ ബോംബ് വെക്കുമെന്ന വിവരം അറിയിച്ചത്.
ഭീഷണിയുടെ പശ്‌ചാത്തലത്തില്‍ സുരക്ഷാ നടപടികളുടെ ഭാഗമായി അക്കാദമിയുടെ പുറത്ത് രാത്രികാല പട്രോളിംഗും നിരീക്ഷണവും ശക്‌തമാക്കിയിട്ടുണ്ട്.
കഴിഞ്ഞ ദിവസമാണ് അക്കാദമിയില്‍ ഭീഷണി കത്ത് എത്തിയതെന്നാണ് മിലിട്ടറി ഇന്റലിജന്‍സ് പോലിസിനു നല്‍കിയ വിവരം. ‘സിഖ് ടിബറ്റന്‍സ് ആന്‍ഡ് ജസ്‌റ്റിസ്’ എന്ന സംഘടനയുടെ പേരിലാണെന്ന് ഭീഷണി എത്തിയതെന്നാണ് സൂചന. കത്ത് ലഭിച്ച ഉടന്‍ തന്നെ അക്കാദമി അധികൃതർ വിവരം പയ്യന്നൂര്‍ പോലിസിന് കൈമാറി.
അതേസമയം പ്രതിരോധ മന്ത്രാലയവുമായി ബന്ധപ്പെട്ട വിഷയമായതിനാല്‍ കോടതിയെ സമീപിച്ച ശേഷമായിരിക്കും പോലിസ് കേസെടുത്ത് അന്വേഷണം ആരംഭിക്കുക.
Malabar News: എംസി കമറുദ്ദീൻ എംഎൽഎയെ പരിയാരം മെഡിക്കൽ കോളേജിൽ പ്രവേശിപ്പിച്ചു
