വാഷിംഗ്‌ടൺ: ഫൈസർ വാക്‌സിന്റെ മൂന്നാം ഡോസ് എടുക്കാൻ അനുമതി നൽകി യുഎസ്. പ്രത്യേക വിഭാഗത്തിൽ ഉൾപ്പെട്ട ആളുകൾക്കാണ് മൂന്നാം ഡോസ് സ്വീകരിക്കാൻ യുഎസിൽ അനുമതി നൽകിയിരിക്കുന്നത്. 65 വയസിന് മുകളിൽ പ്രായമുള്ള ആളുകൾക്കും, ഗുരുതരമായ രോഗം ബാധിച്ചവർക്കും മൂന്നാം ഡോസ് വാക്‌സിൻ സ്വീകരിക്കാമെന്ന് അധികൃതർ വ്യക്‌തമാക്കി.
വാക്‌സിന്റെ രണ്ടാം ഡോസ് സ്വീകരിച്ച ശേഷം 6 മാസം കഴിഞ്ഞവരാണ് മൂന്നാം ഡോസ് സ്വീകരിക്കേണ്ടത്. എന്നാൽ 16 വയസിന് മുകളിലുള്ള ആളുകൾക്ക് ബൂസ്‌റ്റർ ഡോസ് നൽകുന്നത് സംബന്ധിച്ച പഠനങ്ങൾ നടത്തുമെന്നും അധികൃതർ വ്യക്‌തമാക്കിയിട്ടുണ്ട്‌.
നിരവധി ഗൾഫ് രാജ്യങ്ങളിൽ ഉൾപ്പടെ നിലവിൽ കോവിഡ് വാക്‌സിന്റെ ബൂസ്‌റ്റർ ഡോസ് എടുക്കാൻ അനുമതി നൽകിയിട്ടുണ്ട്. സാമ്പത്തികമായി പിന്നോക്കം നിൽക്കുന്ന രാജ്യങ്ങളിൽ വാക്‌സിൻ ക്ഷാമം നേരിടുന്ന പശ്‌ചാത്തലത്തിൽ, സാമ്പത്തികമായി മുന്നോക്കം നിൽക്കുന്ന രാജ്യങ്ങൾ ബൂസ്‌റ്റർ ഡോസ് എടുക്കുന്നത് ഒഴിവാക്കണമെന്ന് ലോകാരോഗ്യസംഘടന നിർദ്ദേശം നൽകിയിരുന്നു. അതിനെ അവഗണിച്ചാണ് ഇപ്പോൾ വിവിധ രാജ്യങ്ങൾ ബൂസ്‌റ്റർ ഡോസ് വിതരണം ചെയ്യുന്നത്.
Read also: പന്തീരാങ്കാവ് കേസ്; സുപ്രീം കോടതിയില്‍ ഇന്നും വാദം തുടരും
