മനാമ: രാജ്യത്ത് കോവിഡ് വ്യാപനത്തെ ചെറുക്കാനുള്ള വാക്സിനേഷൻ നടപടികൾ അതിവേഗം പുരോഗമിക്കുന്ന സാഹചര്യത്തിൽ വിവിധ കാരണങ്ങളാൽ നിയമപരമല്ലാതെ കഴിയുന്ന പ്രവാസികൾക്കും വാക്സിനേഷൻ സൗകര്യം ഏർപ്പെടുത്തണമെന്ന ആവശ്യവുമായി വേൾഡ് എൻആർഐ കൗൺസിൽ. ഇക്കാര്യം ചൂണ്ടിക്കാട്ടി കൗൺസിൽ ഇതുമായി ബന്ധപ്പെട്ടവർക്ക് കത്തയച്ചു.
ബഹ്റൈനിലെ തൊഴിൽ-സാമൂഹ്യ വികസന മന്ത്രാലയം, ലേബർ മാർക്കറ്റ് റെഗുലേറ്ററി അതോറിറ്റി സിഇഒ, ഇന്ത്യൻ എംബസി ഇൻ ബഹ്റൈൻ എന്നിവർക്കാണ് കത്തയച്ചത്. ഇന്നലെയാണ് വിഷയത്തിൽ അടിയന്തര ശ്രദ്ധ ക്ഷണിച്ചുകൊണ്ട് കൗൺസിൽ കത്തയച്ചത്.
വിവിധ കാരണങ്ങളാൽ റെസിഡൻസ് പെർമിറ്റ് പുതുക്കാൻ കഴിയാതെ പോയവർ, വിസ പ്രശ്നം നേരിടുന്നവർ തുടങ്ങി നിരവധി പ്രവാസികളാണ് രാജ്യത്ത് നിയമപരമല്ലാതെ കഴിയുന്നത്. അവരെയും വാക്സിനേഷൻ പ്രക്രിയയിലേക്ക് പരിഗണിക്കണമെന്ന് കത്തിലൂടെ എൻആർഐ കൗൺസിൽ ആവശ്യപ്പെട്ടു. ഇത് കോവിഡ് പ്രതിരോധത്തിന് ഏറെ ആവശ്യമാണെന്നും എൻആർഐ കൗൺസിൽ കത്തിലൂടെ ചൂണ്ടിക്കാണിച്ചു.
Read Also: വാക്സിന് നയം ഏകപക്ഷീയവും വിവേചനപരവും; മൂകസാക്ഷിയാകില്ലെന്ന് സുപ്രീം കോടതി