സിദ്ധാർഥ് ശിവ സംവിധാനം ചെയ്ത ‘വര്ത്തമാനം’ സിനിമയുടെ പ്രദര്ശനാനുമതി തടഞ്ഞ് സെന്സര് ബോര്ഡ്. കൂടുതല് പരിശോധനക്കായി ചിത്രം റിവൈസിംഗ് കമ്മിറ്റിക്ക് അയച്ചിരിക്കുകയാണ്. പാര്വതി തിരുവോത്താണ് വര്ത്തമാനത്തില് മുഖ്യ കാഥാപാത്രത്തെ അവതരിപ്പിക്കുന്നത്.
ചിത്രം ദേശ വിരുദ്ധമാണെന്നും മതസൗഹാര്ദ്ദം തകര്ക്കുന്നുവെന്നും ചൂണ്ടിക്കാട്ടിയാണ് നടപടി. റിവൈസിംഗ് കമ്മിറ്റി ചെയര്മാന് തീരുമാനമെടുക്കും വരെ ചിത്രം പ്രദര്ശിപ്പിക്കാനാവില്ല. ജെഎന്യു, കശ്മീർ സംബന്ധമായ ഭാഗങ്ങളും നടപടിക്ക് കാരണമായതായി സൂചനയുണ്ട്. ചിത്രത്തിന്റെ ചിലഭാഗങ്ങള് കട്ട് ചെയ്ത് മാറ്റണമെന്ന് കേരളത്തിലെ സെന്സര് ബോര്ഡ് അംഗങ്ങള് അണിയറ പ്രവര്ത്തകരെ ചിത്രത്തിന്റെ പ്രദർശന സമയം അറിയിച്ചിരുന്നു. എന്നാൽ, അത് നടക്കാഞ്ഞതിനാലാണ് ചിത്രം മുംബൈയിലെ റിവൈസിംഗ് കമ്മറ്റിക്ക് അയച്ചത്.
ആര്യാടന് ഷൗക്കത്ത് ആണ് ചിത്രത്തിന് കഥയും തിരക്കഥയും ഒരുക്കിയിരിക്കുന്നത്. ബെന്സി പ്രൊഡക്ഷന്സിന്റെ ബാനറില് ബെന്സി നാസറാണ് സിനിമ നിര്മ്മിക്കുന്നത്. ‘നൂറ്റൊന്ന് ചോദ്യങ്ങള്’, ‘സഹീര്’, ‘ഐന്’, ‘ചതുരം’, ‘കൊച്ചൗവ പൗലോ അയ്യപ്പ കൊയ്ലോ’, ‘സഖാവ്’ എന്നിവയാണ് സിദ്ധാര്ഥ് ശിവ മുന്പ് സംവിധാനം ചെയ്ത ചിത്രങ്ങള്.
Also Read: ചെങ്ങന്നൂരിലെ ചക്ക മാഹാത്മ്യം!