ചങ്ങരംകുളം: കുറ്റിപ്പുറം-ചൂണ്ടൽ സംസ്‌ഥാന പാതയിൽ വാഹന പരിശോധന ശക്‌തമാക്കി പോലീസ്. മലപ്പുറം തൃശൂർ ജില്ലാ അതിർത്തിയായ കടവല്ലൂരിലാണ് പരിശോധന കർശനമാക്കിയത്. ചങ്ങരംകുളം പോലീസും ദ്രുതകർമസേനയും സംയുക്‌തമായാണ് പരിശോധന നടത്തുന്നത്.
നിയമസഭാ തിരഞ്ഞെടുപ്പിനോട് അനുബന്ധിച്ച് അനധികൃത പണമിടപാടുകളും ലഹരിമരുന്നുകളുടെയും ഉൽപ്പന്നങ്ങളുടെയും ഒഴുക്ക് തടയുന്നതിനും നിയന്ത്രിക്കുന്നതിനും വേണ്ടിയാണ് പോലീസിന്റെയും മറ്റു സേനാംഗങ്ങളുടെയും നേതൃത്വത്തിൽ പരിശോധന കർശനമാക്കിയത്. ശനിയാഴ്‌ച നടന്ന പരിശോധനകൾക്ക് ചങ്ങരംകുളം എസ്‌ഐ ഖാലിദ് നേതൃത്വം നൽകി. ഇലക്ഷൻ സ്‌പെഷ്യൽ സ്‌ക്വാഡും സംസ്‌ഥാന പാതയിൽ പരിശോധന കർശനമാക്കിയിട്ടിട്ടുണ്ട്.
Read also: കൊച്ചിയിൽ വാടക വീട്ടിൽ നിന്നും കള്ളനോട്ട് പിടികൂടി; ഒരാൾ അറസ്‌റ്റിൽ
